Go̠go̠e hoyena ar Cas abad sarkari mạn hõ̠e ńamkeda Adori Marḍi

Adori Marḍi (Prathom Alo)                                                 
Are̠ serma laha reak̕ katha. Nimghuṭu ato reak̕ oṛak̕ barhe repec̕ok̕kan tahẽ̠nok̕kan tahẽ̠na juri pạri. Ona ńẽl ḍahar are calak̕ o̠kte̠ mit̕ ho̠ṛ thirena. Onkoak̕ pạrsi baṅ baḍae tahẽ̠n karonte uni do̠ bae bujhạu daṛeleda. Tayo̠mte tolas hataokatey baḍaekeda onkoren do̠ gidrạ bạnuk̕koa. Bạhuak̕ e̠ṭke̠ ṭõ̠ṛẽ̠ menak̕a ona hudis kate jãwãe do̠ oṛak̕ kho̠n uni uduk̕ gidi meneda. Bana ho̠ṛge nalha tumạl ho̠ṛ kanakin, ḍakṭar ṭhen calaokate rankin hataoak̕ ona kạuḍi hõ̠ bạnuk̕a. Ona karontege repec̕ hoyokkana.
Tayo̠m renak̕ kạhni do̠ judạ leka. Ḍaharte calak̕kan uni hõ̠ Godagaṛi upạjilạren são cas abad sarkari salha e̠mo̠k̕ic̕ Otnu sarkar onko mit̕ kạmi reak̕ tolas e̠mket̕koa. Ona kạmige onkoak̕ hataṅe bo̠do̠lkeda. O̠ko̠e maejiu be̠mano̠tkate gharo̠ńj kho̠n uḍuk̕ reak̕ kurmuṭu calak̕kan tahẽ̠na turui serma tayo̠m unige Baṅgabandhu Jạtiạ cas abad mạne ńamkeda. Bar serma tayo̠m unige arhõ̠ mit̕ gidrạren era hõ̠e hoyena. Nãhãk̕ uni do̠ ona atoren bhạlại cas abad kạmic̕. Uni pańjakate aema ho̠ṛge ona atoren laha calak̕kanko. Ona ato do̠ godagari upạjilạ reak̕ deopara unionre.

Cas abad kạmire ce̠t̕ lekatey he̠c̕ena

Uni maejuak̕ ńutum Adori Marḍi. Ac̕ jãwãeak̕ ńutum Kongress Ṭuḍu. Adori irạl kilạs hạbic̕ paṛhaoakana ar ac̕ jãwãe kongress ṭuḍu eae kilạs hạbic̕e paṛhaoakana. Onkoak̕ oṛak̕ ḍinḍạ chaḍa ce̠t̕ hõ̠ baṅ tahẽ̠lena. Bana ho̠ṛge judạ ho̠ṛak̕ jumire nalha katekin usulok̕kan tahẽ̠na. Bapla kate turui serma paro̠mkate onkoren gidrạ bako hoyok̕kan tahẽ̠na. Kongress do̠ monre suk bae ạikạuet̕kan tahẽ̠na. Menkhan mõ̠ńj ḍaktor ṭhen calao lạgit̕ aema kạuḍi lagak̕a, ona kạuḍi onko ṭhen bạnuk̕a. Noa babo̠t akinak̕ gharo̠ńjre be̠suluk e̠ho̠p̕ena. Kongress ac̕ bạhu uduk̕ kate ar mit̕ṭe̠n bapla reak̕ kathae me̠njoṅekan tahẽ̠na. Ar un o̠kte̠ge ona ḍahartey calak̕kan tahẽ̠na Godagari upạjilạren sarkari cas abad salha kạmic̕ Otnu sarkar. Uni un o̠kte̠ ona upạjilạren cas abad ̣sarkari salha kạmic̕ Saephul Islam baḍaeocokedea. Un o̠kte̠ ona upạjilạre Dosar jo aema lekan korao reak̕ (SCDP) Project e̠ho̠p̕lena. Onko adori marḍi ona projectren mit̕ rạisi (member) hisạbteko hataokedea. Uni do̠ Modren Agricultural cetan Trainingko e̠mkedea. Ar noṅkate adori marḍi do̠ bhạlại jaṅ, bhạlại sahar, bhạlại jạt, mõ̠j calao (managment), baha jõ̠ babo̠t sikhạuna, nim sakamte tiju go̠c̕ ran ar le̠nḍe̠t sahar ạri ce̠t̕ dạrekeda.

Ạḍi usạra usrạu (Success) ńamkeda

Lahate bạrin disạmre hoṛo jạstiko rohoekea. SCDP projet lekate kom dak̕te lab hoyok̕ noṅkana pho̠so̠l cas abad lạgit̕ casa ho̠ṛ udgạuket̕koa. Adori Maṛi pạhil serma judạ ho̠ṛak̕ mit̕ bighạ jumi hataokate cas abad kạmi e̠ho̠p̕ena. Dosar serma arhõ̠ thora jumi ṭenḍar hataokate cas abad kạmi calao idikeda. Uniak̕ arjao hõ̠ bại bạite jạsti idiyena. Noa tayo̠m uni do̠ bar bighạ jumi kirińkeda. Ar apnar tahẽ̠n lạgit̕ kạṭic̕ macha oṛak̕ tahẽ̠lena. Ona hõ̠ bo̠do̠l cabakeda. Uniak̕ noa usrạu karonte SCDP reak̕ sermakiạ 2016 Calendarre uniak̕ muthạn chạbikko beoharkeda. Rajshahi Krishi Samprasaron Odhidaptar kho̠n Baṅgabandhu jạtiạ krishi mạn lạgit̕ uniak̕ ńutumko e̠mkeda. 2017 serma uni do̠ noa mạn ńamkeda ar julae cando uni ḍhaka nagrahae calaolena noa mạn hatao lạgit̕.
Ona serma Baṅla serma 1421 ar 1422 baṅgado̠ reak̕ mạn mit̕ sãote e̠m hoylena. Jãhã noa mạnko ńamleda onkoak̕ chạbi são mit̕ disạ sakam uḍuk̕ hoylena. Okare o̠l menak̕a Adori Marḍi Rajshai jilạ reak̕ Godagari upạjilạre menak̕ Nimghuṭu atoren bhạlại cas abad kạmic̕ kanae. Oṛak̕ kạmi ho̠ṛ hoekate hõ̠ ilạkaren sarkari cas abad sarkari kạmic̕ ar salha e̠mo̠k̕ic̕koak̕ go̠ṛo̠ uni do̠ cas abad kạmire apnartey joraoakana. Cas abad tecqnology beoharkate uni do̠ mit̕ hekṭor jumire mạric, malhan, purar arak̕, sajne arak̕ emanteak̕ cas abadkate usrạue ńamakada. Adori Marḍi cas abad são são le̠nḍe̠t Sahar ar cas abad lạgit̕ aema lekan bhạlại sahar tearakadae. Cas abad arak̕ sakam, le̠nḍe̠t sahar ar hõ̠ judạ judạ lekan sahar akhrińkate 1421 baṅla sermare mit̕ lakh iral hajar ṭakae arjaoakada. Ar noa usrạu karonte uni do̠ Baṅgabanḍhi jạtiạ mạn 1421 rupạ mạn hõ̠ ńamakada. Mạn sãote uni do̠ mõ̠ṛẽ̠ ge̠l hajar ṭakae ńamakada.

Adori ar kongressak̕ oṛak̕re

2 nobembor adori marḍi ar kongress ṭuḍuak̕ oṛak̕ calaokate ńẽlena Disạmren maraṅ ayric̕ak̕ tite e̠makan mạn reak̕ chạbi lemlatiṅkate ṭaṅgao menak̕a. Ona cetan joba baha reak̕ mala. Kongress ṭuḍu baxo jhic̕kate ona mạn ńẽlocokeda. Mạn meḍel reak̕ mit̕ arere o̠l menak̕ Baṅgabandhu jạtiạ krishi padak, Baṅlade̠sh ar mit̕ se̠c̕ Baṅla serma 1421. Latarre o̠l menak̕ “Iń Adori marḍi cas abad bepari lạgit̕ kurmuṭuic̕ maejiu ”
Nãhãk̕ cas abad sermare adori marḍi mõ̠ṛẽ̠ bighạ jumire hoṛoe abadakada. Noa modre bar bighạ do̠ ac̕ak̕. Ar pe bighạ do̠ ạdhi hataoakada. Me̠nkhan nãhãk̕ do̠ onko le̠nḍe̠t sahar tearko bond do̠ho̠ạuakada. Cedak̕ko bondakada noa kukli reak̕ ro̠ṛ ruạṛe e̠meda kongress ṭuḍu, Le̠nḍe̠t do̠ nãhãk̕ daṅgra hoe cabaokana. Gharo̠ńj mõ̠ńj hoe khạtir nãhãk̕ do̠ le̠nḍe̠t sahar bạgikate ḍangra usulko e̠ho̠p̕akana. Noate labh hõ̠ jạstigea. Nãhãk̕ tahẽ̠lena irạl go̠ṭe̠n ḍaṅgra. Eid Po̠ro̠b o̠kte̠ mõ̠ṛẽ̠ go̠ṭe̠nko akhrińkatkoa, nãhãk̕ pea ḍaṅgra menakoa.

Bhạlại hoṛ uduk̕ic̕ Adori Marḍi

Nãhãk̕ adori marḍiak̕ salha hataokate atoren aema maejiuko laha calak̕kana. Cas abad reak̕ serma aema ho̠ṛge adori maḍri ṭhen salhako hataoak̕. Calaoen 31 agusṭ onkoak̕ mucạt̕ salha sabha hoeakana. Adori marḍiak̕ salha hataokateko lahaoakana noṅkan aema majiuge o̠ṇḍe̠ko ńamena. Onko modre Sagori Hãsdak̕ (umạr 30), Rojina Murmu (28), Parboti Soren, Soloni Hãsdak̕ (35) Sanamgeko me̠neda onko do̠ adori salha hataokateko bhạlại usrạuko ńamakada.
Upạjilạ são sarkari cas abad salha e̠mo̠k̕ic̕ak̕ go̠ṛo̠te noa bhạlại bo̠do̠l hoeakana, me̠neda Adori Marḍi. Noa katha baḍae tayo̠m Otnu sarkar me̠neda, “Cas abadren sarkari salha e̠mo̠k̕ic̕ hisạbte noa kho̠n maraṅ arjao do̠ ce̠r̕ hoe daṛeak̕a.
Gidrạ baṅ hoe karonte ac̕ jãwãe oṛak̕ kho̠n uḍuk̕e me̠net̕kan tahẽ̠na. Tayo̠mte ḍakṭor ṭhen calaokate baḍaena kongress ṭuḍuak̕ge e̠ṭke̠ ṭõ̠ṛẽ̠ menak̕. Ona lạgit̕ onkoak̕ gidrạ bako hoyok̕kan tahẽ̠na. Adori tin o̠kte̠ noa kathae lạiet̕kan tahẽ̠n un o̠kte̠ ac̕ jãwãe muluc̕ muluc̕ landaet̕kan tahẽ̠na. Adori Me̠neda, irạl serma ḍakṭorak̕ salha ar ran hataokate calaoen serma reak̕ april cando onkoren mit̕ kuṛi ho̠po̠ne hoeakana. Ńutumko do̠ho̠ạukada Mithila Ṭuḍu. Nãhãk̕ uni do̠ ro̠ṛey cet̕akada. Adori go̠go̠ me̠ntey ho̠ho̠aea.

Comments are closed.