Godagaṛi upạjilạre aḍibạsiko modre aema lekan sarkari go̠ṛo̠ e̠m hoyena

Calaoen 27 tạrkh Rajshahi jilạ reak̕ godagaṛi thana re 2019-2020 kạuḍi serma sarkarh ho̠te̠ aema lekan go̠ṛo̠ e̠m hoyena. Kạuḍi stipend hisạbte go̠ṛo̠ko ńamkeda guṭ pe sae eae go̠ṭen o̠lo̠k̕ paṛhao koṛa kuṛi.  Pạhil kilạs iskulren 157 go̠ṭe̠n gidrạ eae sae ṭaka, Secondary iskulren o̠lo̠k̕ paṛhao irạl ge̠l koṛa kuṛi1500 ṭakakate. Higher secondary iskulren pon ge̠l o̠lo̠k̕ paṛhao koṛa kuṛi bar hajar ṭakakate ar Honoursre paṛhaoakana o̠lo̠k̕ paṛhao pe ge̠ll  koṛa kuṛi 3000 ṭakakateko ńamkeda. Noa chaḍa hõ̠ sikhnạt jinisko (ko̠lo̠m, khata, chata, jemiti box, water poṭ, Rain koṛt, Steplar emaneteak̕) ńam keda. Ge̠l pe̠ o̠lo̠k̕ paṛhao koṛa kuṛi sikelko ńamkeda, oka modre bar ge̠l go̠ṭe̠n kuṛi lạgit̕ ar ge̠l go̠ṭe̠n sikel do̠ koṛa lạgit̕. Ạricạli do̠l ar ponea kilạb modre aema lekan jinis banam tumḍak̕, phoṭbol, krikeṭ, baḍminṭon e̠m hoyena. Ona chaḍa hõ̠ ge̠l mõ̠ṛẽ̠ re̠ṅge̠c̕ nacar ạdibạsiko lạgit̕ sarkari gharo̠ńj tearkate ona reak̕ choran e̠m hoyena. Sarkari saṅgstha AMAR BAṚI AMAR KHAMAR kho̠n mit̕ sae ho̠ṛ modre 25 lakh ṭaka pańca hisạbte e̠m hoyena.

Ar noa sarkar go̠ṛo̠ e̠m sabharre hạjir tahẽ̠lena Tanore-Godargaṛi ṭhãiren Manotan MP (Member of Parlement) Omor Faruk Chowdhury, Godagaṛi upạjilạren manotan upạjilạ chairmen Jahaṅgir Alom, Godagaṛi upạjilạren manotan upạjilạ são chairmen Abdul maelk, Godagaṛi upạjilạren manotan maejiu chairmen Suphea Khatun, Godagaṛi upạjilạren manotan sarkari UNO Alamgir Hossain. Niạ go̠ṛo̠ jinis ṭhãiko do̠ e̠m hoylena Godargaṛi upạjilạ reak̕ sarkari auḍiṭoriumre.

Comments are closed.