Rajshahiren dilgạriạ Muktijodha Susil Soren do̠ abo talare bạnueak̕

Rajshahi jilạre menak̕ godagari upạjilạre ạdibạsi dilgạriạ birbanṭa muktijodhha do̠ ar 1971 sermare disạm sadhin o̠kte̠ren komanḍar Susil soren do̠ calaoen 5 tạrik jaejug lạgit̕e jirạuena.
6 okṭobor setak̕ 11 o̠kte̠ uni do̠ sarkari mano̠t lekateko baekedea uniak̕ janam ato naranpurre. Noa o̠kte̠y hạjir tahẽ̠lena Godagari upạjilạren bahalakan UNO Alomgir Hossain, Deputy komanḍar Asok kumar Chowdhury, Po̠lis ar Ansar bivagren palto̠nko.
Mukhihidda susil sorenak̕ gharońj kho̠n baḍaeok̕kana. Uni do̠ aema mãhã kho̠nge aema lekan ruạ hasorey ńurlena. Thora hapta kho̠nge uni do̠ jo̠m ńũe bạgi uạtarleda ar ona karo̠nte ho̠rmo̠ se̠c̕ lekate ko̠mjorrey paraolena.
Jive̠t̕ tahẽ̠n o̠kte̠ uniak̕ gapalmaro kho̠n baḍaeok̕kana uni do̠ 1971 disạm sadhin laṛhaire se̠le̠t̕lena ar mukti bahiniak̕ khatare ac̕ak̕ ńutume o̠locoleda. Uni do̠ mukti bahini do̠l são Komanḍar Monowar siṅ ṭhen Traning hataoleda malda jilạ reak̕ Gourạ Bagwan mit̕ jaegare. Inạ tayo̠m siligurire mit̕ cando Traning hataokate lạrhại hạtiạr so̠ṅge̠ kate komanḍar geas uddinak̕ ayurte Tanore thana reak̕ sayed pur ńutuman mit̕ ato re̠c̕ he̠c̕lena. Ge̠l ho̠ṛ reak̕ mit̕ Unit. Ar sa sayed pur atore girạbạsikate Onko do̠ duari, Bagdhani, Mohonpur, tanore, Damkora hat, sitlae ilạkare Pakistanren palto̠nko são lạrhạilena. lạrhại o̠kte̠ uni do̠ ac̕ ar ac̕ren do̠l ren thora muktijodha pakistan palto̠n ṭhenko sap̕ ńamocolena. Ar aema ko̠clo̠n ar sasetocolena, niạko sahao kate uni ar ac̕ren gate go̠c̕ kho̠nko bańcao he̠c̕lena. 1971 serma reak̕ 16 ḍisembor Baṅladisạm jitkạr o̠kte̠ uni ar ac̕ren gate lạrhạic̕ko do̠ Rajshahi Sarkari siṭi kolej ar 17 ḍisembor Rajshai kolejko dokholleda.

Nue maraṅ mukhtijoddha ńutum Baṅladisạm reak̕ Muktijodhha babo̠t mantranaloe ar Baṅladisạm muktijoddha so̠ṅsad gajet rehõ̠ menak̕a. Uni do̠ sarkar ho̠te̠te go̠ṛo̠ hõ̠e ńamet̕kan tahẽ̠na. Go̠c̕ o̠kte̠ uniak̕ umạr hoelena 78 serma. Uni do̠ lucea soren ar Julian soren ar gharo̠ńj ho̠ṛ Ruphina kisku do̠ho̠oṭokatkoaey

Comments are closed.