Nãhãk̕ serma reak̕ HSC biḍạu do̠ bạtilena, Jo̠to̠koge pas

Ko̠ro̠na bhaeras karo̠nte nãhãk̕ serma reak̕ HSC biḍạu do̠ bạtilena. JSC ar SSS biḍạure ńamakan gũṭ no̠mbo̠r joraokate HSC biḍạu e̠mo̠koak̕ jo̠ ṭarhaok̕a. Noa lekate 13 lakha HSC biḍạu e̠mok̕̕ko do̠ sanamgeko paskoa. Calaoen budbar online ho̠te̠te̠ noa kathae lại so̠do̠rkeda Baṅladisạmren sikhạnt muntri Dr. Dipu Moni.
Noa babo̠t monsubạ goṭae lạgit̕ mit̕ kamiṭi bandhao hoekana. Muntriko me̠ne̠da, jãhãeko bivagko bo̠do̠lkada, onkoko hudiseda JSC sė HSC biḍạu cetan HSC biḍạu reak̕ jo̠ tearlenkhan ona do̠ ṭhik baṅ hoyok̕a. Noa jo̠ bhạlạikate ńe̠l lạgit̕ sikhnạt bivagren mit̕ Additional Sekretary convenor hisạbte do̠ dạyike kạmi purạuak̕. Ḍhaka boarḍren Chairmen sanam sikhanạt boarḍ renak̕ coordinator hisạbtey tahe̠na. o̠ko̠e do̠ sikhnạt sạcib latar dạyik kạmi purạuawa.
Uni arhõ̠e me̠ne̠da, ona chaḍa hõ̠ noa kạmṭire Ḍhaka University, BUET, Jạtiạ University, Ṭecknical ar Madrasa Boarḍren Chairmen ar sasto̠ bivagren mit̕ rạsiako tahe̠na.
Muntri arhõ̠e me̠ne̠da, ale̠le̠ aso̠k̕kana sanam biso̠e hudiskate daraekan ḍise̠mbo̠r cando HSC biḍạu reak̕ jo̠le lại so̠do̠r daṛeak̕a. E̠nte Januari cando kho̠n University bhurti kạmile e̠ho̠p̕ daṛeak̕a.
Noa serma HSC biḍạu 1 april tạrik kho̠n e̠ho̠p̕ reak̕ katha tahẽ̠lena. Me̠nkhan ko̠ro̠na karo̠nte ona do̠ thir hapeyena



Comments are closed.