Ko̠rona ṭikạ somante hạṭiń lạgit̕ 156 go̠ṭe̠n disạmak̕ nagaman ekraṛnama

Jivi go̠go̠ic̕ ko̠rona bhaeras reak̕ jãhãn ṭikạ ńamlenkhan goṭa dhạrtire usạra ar bhạlạilekate pasnao lạgit̕ mit̕ nagaman ekṛarnamareko mit̕ mo̠takana 156 go̠ṭe̠n disạm.
Nãwã noa ekṛarnamalekate ńam torage komjor ho̠ṛmo̠ sewa calao ar bhaeras birudre laha sạrre tahẽ̠n ho̠ṛmo̠ sewa kạmic̕ko ar somaj reak̕ aema lekan sewa são joprao tahe̠n ho̠ṛkoak̕ porbostti (protection) lạgit̕ ona gharna disạmak̕ guṭ ho̠ṛ modre so̠tko̠ra 3% ho̠ṛ noa ṭikạko ńamak̕.

Ko̠rona bhaeras ṭikạ ạgu lạgit̕ research, ṭikạ kiriń hatao, ar ona somante pasnao lạgit̕ dhạrti reak̕ kisạr disạm são taṛam lahaoakan disạm (Devlopment) hisạ ṭhik do̠ho̠e lạgit̕ aema lekan pratisṭhanak̕ mukhiạte tearakan COVEX COVID-19 e̠m lạgit̕ mit̕ goṭa hoeakana.

Noa mo̠nsubạ lekate goṭa dhạrtire 2021 serma mucạt̕ laharege niro̠po̠n ar kạmian 200 koṭi doj ṭikạ e̠m reak̕ mo̠nsubạ hoeakana.
Aema disạmren sarkar, ṭikạ tearic̕ pratisṭhan, ar aema lekan organization ar ho̠ṛ nit̕ hạbic̕ COV-19 ṭikạ research ar delvopmenṭ lạgit̕ 140 koṭi dollar e̠m reak̕ kathako e̠makada.

Ṭikạ ńam tayo̠m noa pasnao ko̠m hoe daṛeak̕, ona hudiskatege gharna disạm reak̕ guṭ ho̠ṛkoak̕ modre 3% ho̠ṛ ṭhen noa ṭikạ tiok̕ sor hoyok̕a. Jo̠to̠ disạm reak̕ muhimre paraoakan ho̠ṛkoak̕ he̠bajo̠t lạgit̕ o̠kte̠ so̠ṅge̠ so̠ṅge̠ noa tikạ pasnao reak̕ no̠mbo̠r so̠tko̠ra 20% ạgu hoyok̕a. World health Organization ren maraṅ ayuric̕ Tedros Adhanom Gabriesus me̠nkada, COVEX nãhãk̕ dhạrti reak̕ lạṭu ar COV-19 ṭikạ reak̕ judạ lekan ạguḍạreda, o̠ṇḍe̠ onkoge as̠ol lekate ńe̠l hoyok̕kana, o̠ko̠e jạsti muhimre menakoa.
Noa Project do̠ thora ho̠ṛkoak̕ ṭikạ ńameocokoa, thora disạm reak̕ sanm ho̠ṛ do̠ baṅ.

Calak̕kana ko̠rona ruạ ajar o̠kte̠ “Vaccin Nationalism”ak̕ barhao idikan e̠ṭke̠ṭõ̠ṛẽ̠ kho̠n bańcao lạgit̕ ar Covid-19 ruạ kho̠n bańcao lạgit̕ khạli Vaccinege baṅ, sanam lekan Mediacal Instrumentsre sanamkoak̕ bo̠lo̠k̕ lạgit̕ ar ńam ṭhik do̠ho̠e lạgit̕ Gạbhi, Vaccine Alliance, World Health Organization, Coaltion for Epidemic Preparednes and Innovation (SEPI) mukhiạte COVEX tear rakap̕kana.
Jạsti arjao disạm modre 64 disạm noareko jopraoakana, 35 go̠ṭe̠n disạm ar Uropean Union kho̠n go̠ṛo̠ ńam reak̕ katha ńamakana. Arhõ̠ 38 go̠ṭe̠n disạm noareko jopraok̕ me̠nte hudisok̕kana.
Ṭikạ soman lekate hạṭiń lạgit̕ noa ekṛarnam do̠e sarhaokeda SEPI. Noa maraṅ ayuric̕ Dr. Recarp Haecet me̠nedan noa ekṛamnama do̠ mit̕ nagamankana.
Judạ se̠c̕ GABHIren maraṅ ayuric̕ me̠neda, Jo̠to̠ lạṭu disạmren aema lekan sarkar são mit̕te kạmi reak̕ ḍahar bachao lagak̕a, khạli apnar ho̠ṛko lạgit̕ ṭikạ ńam reak̕ nisṭạ lekhan ge baṅ hoyok̕a, sanam ilạkaren ạḍi muhimre ńurakan ho̠ṛko ạḍi algate ńam reak̕ ạidạri nisṭạ lagak̕a.

Comments are closed.