Pạhil kilạs reak̕ iskul jhic̕ lạgit̕ sapṛao reak̕ hukum

Ho̠ṛkoak̕ niphuṭ ho̠ṛmo̠ ar niphuṭ ho̠ṛmo̠ ạri manaokate pạhil kilạs reak̕ iskul jhic̕ renak̕ hukum e̠mkadae Prathamik ar Go̠no̠ sikha mantranaloe. Pạhil iskul piṛhire Devlopmenṭ Plan (Slip) reak̕ kạuḍire (Funḍ) ạḍi jạruṛ lekate jạruạn jinsiko kiriń são jo̠to̠ lekan sapṛao reak̕ katha me̠n hoekana.

Noa babod calaoen budbar mit̕ istiharko jạriakada. Me̠nkhan iskul tis o̠kte̠ jhic̕ok̕a ona babod jãhãn bisoe lại baṅ hoekana. Sapṛao babod noa istihar noa me̠n hoekana, Ho̠ṛkoak̕ niphuṭ ho̠ṛmo̠ ar niphuṭ ho̠ṛmo̠ ạri manaokate ṭhik o̠kte̠ calu ạḍi jạruṛ.

Lahare ḷai saḍe lekate darean 3 okṭobor tạrikh hạbic̕ sanam lekan o̠lo̠k̕ paṛhao pratisṭhan bond tahẽ̠na.Ko̠rona bhaeras karo̠nte paro̠m calaoen 3 marc kho̠n sikhnạt pratisṭhan bond menak̕a.

Istiharre arhõ̠ okako sapṛao hatao me̠n hoekana, iskul reak̕ jo̠to̠ oṛak̕ ar raca , ar jinisko sanam o̠kte̠ sapha do̠ho̠e reanak̕, ho̠ṛmo̠ reak̕ lo̠lo̠te mapao hạtiạr Infraed Tharometerr, Sạbun, Blicṅ pạoḍer, mog, jog ar bạlti ona chaḍa hõ̠ aeman lekan jinsi kiriń, Wash Block ar bathrom sanam o̠kte̠ sapha do̠ho̠e renak̕, thora ṭarhao o̠kte̠ reak̕ ti sapha ạrup̕ reak̕ jaega ṭhik ar dak̕ tahẽ̠n reak̕ be̠bosta. jạruṛ paraolenkhan sapha saphi do̠ho̠e lạgit̕ kạmic̕ko hatao ar COV-19 o̠kte̠ kompuṭer ḍata kiriń.

Istiharre arhõ̠ lại menak̕a, COV-19 o̠kte̠ lekate Ho̠ṛkoak̕ niphuṭ ho̠ṛmo̠ ar niphuṭ ho̠ṛmo̠ ạri manaokate arhõ̠ apnar apnar iskul jhic̕ reak̕ mo̠nsubạ ar kạmi purạu lagak̕a. Noa laha 3 sepṭembe tạrikh noṅkana mit̕ istiharko sarker ho̠te̠te̠ lại saḍelena.

Comments are closed.