Santali Pạris reak̕ khũṭ ḍạr tolas

Jo̠to̠ ho̠ṛbon baḍaeak̕ Santal jạtkoak̕ ge̠l bar pạris menak̕. Me̠n hoyok̕ mit̕ṭe̠n pạrsi do̠ at̕akana, ona do̠ bedea. Me̠nkhan aema ho̠ṛge pạtiạuak̕ ako modre ge̠lbar pạris menak̕a.Arhõ̠ noa ge̠l bar pạrsi mit̕ ke̠ mit̕ modre arhõ̠ ḍạr menak̕a. Noako ḍạrko cekate sirjạuakana noa tayo̠m gam kạhni menak̕. Mare hapṛamko do̠ noako pạris ar ḍạrkoak̕ ńutum dhạrti reak̕ aema lekan jinis dare nãrĩ, Sakam, Jan janwar, Cẽ̠ṛẽ̠ kho̠n hataoakada. Jeleka Hãdãk̕ pạris do̠ Ge̠ḍe̠ kho̠n hatao hoeakana, Murmu pạris do̠ lil gại kho̠n, Kisku do̠ kikir cẽ̠ṛ̠ẽ̠, Soren pạrsi do̠ ipil kho̠n, onka lekage He̠mbro̠m do̠ supạri dare khon, Murmu pạrsi do̠ lil gại kho̠n, pauriạ pạrsi do̠ parwa kho̠n, cõ̠ṛ̠ẽ̠ pạrsi do̠ kathae cerceṭec̕ kho̠n, judạ judạ pạris hõ̠ noṅkakatege ńutumakana. Ar sanam paris ho̠ṛkoak̕ judạ judạ gạṛ ar kạmi tahẽ̠lena.

Santali Pạris renak̕ khũṭ ḍạrko tinạk̕ go̠ṭe̠n
1. Murmu 56
2. Mạrṇḍi 49
3. Ṭuḍu 48
4. So̠re̠ 46
5. Hãsdãk̕ 41
6. Kisku 32
7. He̠mbro̠m 32
8. Baske 31
9. Besra 27
10. Cõ̠ṛẽ̠ 18
11. Pạuriạ 16

Murmu Ḍạr sirjạu reak̕ kạhni
Mit̕ bir tahẽ̠lena. Ona birre aema santal ho̠ṛ girạbasiko tahẽ̠lena. Mit̕ din birre thora ho̠ṛ kamiko se̠nlena. Onko Kạmikateko lạṅgalen khan mit̕ṭe̠n dare latar reak̕ umulre jạpt̕kateko jirạuet̕kan tahe̠na. Jirạu tayo̠m onko modre ho̠ṛko do̠ arhõ̠ kạmiko calaoena. Ar ona birre ạḍi bo̠to̠ran mit̕ lil gại tahẽ̠lena. Lil gại ce̠t̕ lekate co̠ dare latarre jạpit̕akan mit̕ ho̠ṛ sorre he̠c̕ena. Ar ńe̠lme cekate co̠ uni mit̕ ho̠ṛ ac̕ak̕ dirińte so̠bo̠k̕ go̠c̕ kedea. Ṭhik un o̠kte̠ uni ho̠ṛren gateko noako ńe̠l ńamkeda. Onko un o̠kte̠ nui lil gại go̠c̕ renak̕ko ekraṛkeda.Un o̠kte̠ uni go̠c̕ ho̠ṛren oạris ar gidrạko kathae Murmu se̠ Lil gạiren ho̠po̠n me̠nteko oromena. Ar no̠ṇḍe̠ ge kạhni do̠ baṅ cabaoakana.
Noa gho̠ṭna kho̠n ce̠t̕ lekate Murmu pạris reak̕ judạ ḍạr tearena. je̠mo̠n
Pạhil: O̠koe̠ nui lil gạiko sap̕lidia onko do̠ Khedwar Murmu ńutmteko oromok̕kana.
Dosar: O̠koe̠ uni lil gại jaṅko ge̠t̕leda onko do̠ Samak̕ Murmu ńutumteko orom lena.
Tesar: O̠ko̠eko lil gại caṭbạlko o̠ṛleda onko do̠ nej Murmu ńutumteko oromlena.
Pon: O̠ko̠e dare latar umul kho̠n noa gho̠ṭnako ńe̠let̕kan tahẽ̠na onko do̠ O̠bo̠r Murmu Ńutumteko oromok̕kanna.
Mõ̠ṛẽ̠: Un o̠kte̠ jãhãe campa baha teko bahalena onko do̠ baha Murmu ńutumteeko oromlena.
Turui: O̠ko̠e lil gạiak̕ mãyãmte bo̠ho̠k̕ cạndi reko akaoleda onko do̠ Tikạ Murmu ńutumteko oromlena,
Eae: O̠ko̠e lil gạiak̕ je hạtiń lạgit̕ sakamko ạ̣guleda onko do̠ khalla Murmu ńumteko oromlena.

Sanam paṛis reak̕ khũṭ ḍạrko  ńutum

Baske
Bindạṛ, Biṭol, Bhiḍi, Bhitạr, Gaṛ, He̠nde̠, Jaher, Jihu, Keḍwar, Kuhi, Lat̕, Mạńjhi, Muṇḍu, Nakeke khil, o̠bo̠r, O̠k̕, Po̠ṭo̠m, Sada, Sạru gaḍa, Sure, Ṭhuṇṭa, Nij Baske, Naeke Khil Baske
Besra
Baske, Bindạṛ, Biṭol, Bhinạr, Gaṛ, Guạ, Kạhu, Kuhi, Kuṛhi, Khaṇḍa, Lat̕, O̠bo̠r, O̠k̕, So̠n, Tilok, Nij Besra, Mańjhi khil Besra, Naeke khil Besra, Lat̕ Besra,
Cõ̠ṛẽ̠
Nij Cõ̠ṛẽ̠, Gua C , Hembrom kuạr C,
Guạ Hembrom C, Biṭol C, Mańjhi khil C, Naeke khil C, O̠k̕ C, Gaṛ C, Naeke khil C, Sindur C, Cacarhat̕ C, Guạ soren C, Bindạṛ C, Kạhu C, Lat̕ C , and Thạkur, Sada.
Pạ̃uria
Bindạṛ, Bhitạr, Cạuria, Gaṛ, Lat̕, Muṇḍu, O̠bo̠r, O̠k̕, Po̠ṭo̠m, Sada, Nij, Mańjhi khil, Naeke khil.
Murmu
Badar, Biṭol, Boara, Bowar, Copear, Dãtela, Gajar, Gaṛ, Hạṇḍi, Jaher, Jihu, Jugi, Kada, Koara, Kotha, Kuḍạm, Laher, Lat̕, Mạhut̕, Muṇḍu, Oara, O̠bo̠r, O̠k̕ Poaṛ, Poṇḍ, Sada, Samak̕ saṅ, Sou, Sokhear, Sotear, So̠le, Ṭilok, Ṭurku, Lumam, Ṭikạ, Ṭuṭi Sarjo̠m, Nij, Mańjhi Khil, Naeke khil, Powar.
Mạrṇḍi
Babṛẽ, Badaṛ, Badoli, Ṭika, Biṭol, Buru Beret̕ Bhoso, Gaḍa, Gaṛ, Goḍa, He̠se̠l, Jonok, Jugi, Kada, Keḍwar, Kulkhi, Khanda Jogao, khara, Miru, O̠bo̠r, Poṇḍ, Lạkin, Rot, Ro̠k̕ lutur, Rupa, Sada Sidup, Ṭurku lumam, Ṭika, Nij, Mańjhil Khil, Naeke khils, Sada.
Ṭuḍu
Babṛẽ, Baske, Biṭol, Bhokta, Cigi, Curuc̕, Dãtela, Gaṛ, Jugi, Kuḍạm, Kharhara, Laher, Lar, Lat̕, Mạṇdạriạ, O̠bo̠r, O̠k̕ , Poeta, Po̠ṭo̠m, Sada, Tilok, Tikạ, Nij, Mańjhi Khil, Naeke khil,
So̠re̠n
Badaṛ, Bạrchi, Bạrhhi bit̕, Bedea, Biṭol, Dãtela, Gaṛ, Guạ, Gaṇḍe, Ce̠he̠l, Jihu, Jugi, Khaṇḍa, Luṛka, Mãṛ, Mal, Mạliạ, Muṇḍu, Obo̠r, O̠k̕, Poṇḍ, Ro̠k̕ lutur, Sada, Sada Sidup̕, Sãk, Saṅ, Sar, Sidup̕ Tikạ, Turkạ Lumam, Nij, Mańjhi Khil, Naeke khil.
Hãsdãk̕
Badaṛ, Beḍwar, Boḍwar, Cil bindhạ, Gaṛ, Jugi, Jihu, kãṛã Gujiạ, Kạhu, Keḍwar. Kherwar, kuhi, kundạ, Obo̠r, Piṭ kaṇḍa, Ro̠k̕ lutur, Sada, So̠le, Ṭahijhari, Mahananda, Nij, Naeke khil, Sãk,
He̠mbro̠m
Badar, Biṭol, Casa, Dãtela, Gaṛ, Guạ, Guạ soren, Hạṇḍi, Kũạ̃ri, Laher, Lat̕, Obo̠r, O̠k̕ , So̠le, Ninạr, Sada, Ṭhakur.
Kisku
Ạd, Badar, Biṭol, Gaṛ, Jabe, Kãrã, Katwar, Laher, Lat̕ O̠bo̠r, O̠k̕, Patal, Pạṭi, Ro̠k̕ lutur, Sada, So̠n, Ṭikạ

1)W.G.Archer.Tribal law and justice, A Report on the Santal .Vol.1,2,3,new Delhi,1984
2)A.Compbll, Santal –English and English Dictionary .The Santal Mission Press .Pokuria,Manbhum,India 1993.
3)Bodding,P.O Har Koren Mare Hapramko Reak Katha,Mani Tese Italy,1983
4)J.Troisi,Tribal Religion,Religious Beliefs Practices Among the Santal,Manohar,Delhi,1978.
5)J.Troisi,The Santal Reading in Tribal life ,Vol-10.Delhi,1978
6)P. Bodding Dictionay, Volume IV

Comments are closed.