Hindu rạṇḍi maejiu jãwãeak̕ So̠mpo̠t hạṭińko ńama: High Korṭak̕ Goṭa

Disomren sanam rạṇḍi maejiu akoren jãwãekoak̕ sanam lekan so̠mpo̠t cetan bhagko ńamak̕, oka do̠ Co̠ṭ̕ korṭ (High Court) mit̕ goṭae jạri keda. Ukilko me̠neda irạl ge̠l pe̠ serma reak̕ mare Hindu rạṇḍi maejiu so̠mpo̠t ạn lekate khạli jãwãeak̕ oṛak̕re tahẽ̠ renak̕ ạidạri e̠m hoylena.
Baṅladisom reak̕ Constitution rehõ̠ baba ar maejiuak̕ soman ạidạri renak̕ katha menak̕. Maejiu ạn ạri rehõ̠ soman ạidạri reak̕ katha menak̕. Menkhan so̠mpo̠t cetan maejiukoak̕ jãhãn ạidạri baṅ taṛhaolena.
Khulnare Gouri Das ńutuman mit̕ rạṇḍi jãwãeak̕ cas abad jumi ạidạri lạgit̕ dạbi leda. Menkhan uniak̕ noa ko̠e birudre teṅgolena ac̕ren erwel koṛa. Rạṇḍi maejiu ̣cas abad juim renak̕ bhag bako ńamak̕ noa dạbi niye̠ Mr. Monḍol 1996 serma khulna reak̕ abdalot rey mamlaeda.
Menkhan Khunla reak̕ Judge adalot uni maejiu se̠c̕ ac̕ak̕ goṭae jạhirlenkhan, noa birudre Hight korṭre Appil leda Mr. Monḍol. Aema din o̠kte̠ tayo̠m hindu rạṇḍi maejiu bhag ńam ạidạri lạgit̕ Highu koṛt goṭa jạhirena.
Sarker se̠c̕ren Deputy Antorny General Sah Md. Asraohul me̠nedae, Noa Goṭare (decision) High korṭe menkada, ‘Mit̕ rạṇḍi maejiu jãwãeak̕ cas abad cetan ạidạri taṛhaoak̕, bhag hõ̠ ńamak̕. Mit̕ so̠tkora hisạb lekate.
1937 serma renak̕ Hindu rạṇḍi so̠mpo̠t ạn lekate khạlii jãwãeak̕ tahẽ̠n ḍinḍạre girạbạsi reak̕ ạidạri tahẽ̠lena. Ona chada noa ạiḍạri lạgit̕ lạrhạiic̕ko me̠neda, noṅka ạn tahẽ̠lenkan hõ̠ rạṇḍi maejiu khạli jãhã lekate tahẽ̠ darekoako.
Noa hulren ạgu ḍar Deplai Cakrabartye meneda, jãwãe go̠c̕ tayo̠m hindu maejiuko babak̕ gharońjre jãhã lekate umul hataokate bańcao tahẽ̠nkoako. Uni arhõ̠e me̠neda ale Hindu, buddạ maejiuko do̠ so̠mpo̠t cetan jãhãn ạidạri ge bako ńama. Ekalte nacarge. Jãwãe so̠mpo̠ti cetan hõ̠ jãhãn ạidạri bạnuk̕a ar babak̕ so̠mpo̠t cetan ma bạnu.
Depali arhõ̠e me̠neda, jãhãe mit̕ kuṛi tin o̠kte̠ rạṇḍiae ar gidrạko kạṭic̕ kạṭic̕ko tahẽ̠na, un o̠kte̠ akoak̕ jion ạḍi ko̠sṭo̠ kate calaoak̕. Jãwãe go̠c̕ lenkhan uniak̕ so̠mpo̠t cetan jãhãn ạidạri baṅ tahẽ̠ karo̠nte babak̕ gharo̠ńjreko hijuk̕a o̠ṇḍe̠ hõ̠ baba so̠mpo̠t bako ńamak̕. Ce̠t̕ lekate calak̕ onko do̠.
Noa hul laha ren sanam rạisiko High Korṭak̕ noa goṭa bhạlại lekate ńe̠leda. Me̠nkhan noa ạn mõ̠jte calao lạgit̕ noa do̠ ạn muṭhạnre bo̠do̠l jạruṛa. Sarkar Hight korṭak̕ noa goṭa (ray) ạn lạgit̕ kurmuṭue hatao me̠nte onkoak̕ as ar bho̠rsa.

Comments are closed.