Irạl kilạs reak̕ mucạt̕ biḍạu do̠ apnar schoolrege hoyok̕a

Noresh Hasdak: Ko̠ro̠na virus karonte ne̠s reak̕ JSC ar JDC ńutuman biḍạuko bạtillenre hõ Irạl kilạsren gidrạkoak̕ do̠ apnar schoolrege mullayon hoekate Are kilạsreko rakap̕koa. Noa lạgit̕ sikkhnạt ṭhaonako do̠ jothat o̠kte̠rege nirdesonako ńama me̠nte noṅkae baḍaeocoakana Dhaka secondary and higher secondary education board.

 

Calaoen budbar hilok ( September 2, 2020) noako katha o̠lkate sikkhnạt ṭhaonakoren maraṅ mukhiạko ṭhe̠n Dhaka board do̠ ciṭhie kolat̕koa. Sikkhnạt montronaloe reak̕ hukumte board do̠ noa ciṭhikoe kolakada. Me̠nkhan, noa serma reak̕ mucạt bidạu hotete hoyok̕a se̠ e̠ṭak̕ lekate ona katha do̠ ciṭhire o̠l bạnuk̕a. Noa lahare 27 August, 2020 ne̠s reak̕ JSC ar JDC bidạuko bạtil reak̕ko me̠nleda montronaloe. Ona lahare hõ̠ ne̠s reak̕ primary ar Ibtedayi paṛhao mucạt bidạo bạtil reak̕ko me̠nleda prathomik ar go̠no̠sikkha montronaloe.

Comments are closed.