China Reak̕ Vaccine Trial Onumuti

covid-19-vaccine,20santalinew24

Noresh Hasdak: China disom reak̕ ko̠ro̠na Vaccine trial lạgit̕ Baṅgladisom so̠rkar onumutiye e̠makana. Oka vaccine do̠ China diso̠m reak̕ private company Sinovac Biotech Ltd.e benaoakada. Calaoen Lukhibar ( August 27,2020 ) hilok Mn. Zahid Maleque (Sasthomontri) noa kho̠bo̠re baḍaeocoakana.

Uniye me̠nkeda doctor, nurse ar sastho kạmire jo̠po̠ṛao menak̕ko ar okoeko apnar mo̠nsubhateko hijuk̕a onkoge noa ran trial lekate hatao reak̕ onumuti e̠m hoyok̕a. Me̠nkhan, December se̠ January, 2021 lahare do̠ disomre vaccine baṅ hijuk̕a. Montri arhõ̠e me̠nkeda, vaccine benaore okako disomko kạmie̠t̕ onko jo̠to̠ko tuluc̕ galmarao hoeakana, to̠be China jo̠to̠ kho̠n lahareko me̠nle̠t̕te onkoge trial reak̕ onumuti e̠m hoeakana. Ona China compạny do̠ 1,00,000 unit ran trial lạgit̕ be̠go̠r paesateye e̠moka. Ar noa trial kạmire oka kho̠ro̠c hoyok̕ ona hõ̠ acge̠ye̠ kho̠ro̠ca. Baḍaejoṅ jaṛuṛa, calaoen july 19,2020 noa vaccine trial lạgit̕ BMRC (Bangladesh Medical Research Council) onumutiko e̠mạkana.

Comments are closed.