Jugsirjol sãohe̠ť sakam ren maraṅ sasapṛaoic̕ Dr. Timotheas Hembrom abo̠ talạre bạnuea

Jugsirjol

Jugsirijol sãohe̠ť sakamren marạṅ sasapṛaoic̕ ar Santali pạrsi, ar ho̠ṛ ho̠po̠nkoak̕ nagam ar dho̠ro̠m pạtiạu babot goṭa dhạrtire ango̠c ńamleť ponḍet Mano̠tan Dr. Timotheas Hembrom do̠ hola 20 tạrikh ńindạ kolkatare noa dhạrti puri bạgieda. Dr.Timotheas Hembrom do̠ aema mãhã kho̠nge umerteak̕ ruạk̕kan tahẽ̠kana. Uni do̠ ac̕ oṛak̕ ho̠ṛ, pene kuṛigidrạ, jãwãetako ar goṛom gidrạ koak̕ pe̠re̠c̕ purun gharońje bạgi oṭoeda. Noa bhabna ghuṛire paṭha kho̠n uniak̕ suluk̕ nirại hanapuri jion lạgiť sanam daṛean sisirjạuic̕ ṭhen arojok̕kana ar sarec̕ gharońj lạgiť jivi raṛec̕le kho̠jok̕kana. Santali pạrsi ar o̠no̠l̠ reak̕ nagam re Dr. Timotheas Hembromak̕ ńutum so̠na akho̠rte o̠l tahe̠na.

Comments are closed.