Pạhil dhao leka Baṅladisạm Phoṭbol team reak̕ primary squad re ho̠ho̠e ńamkeda Santal polis ko̠ṛa Mathias Bablu Hembrom

Baṅladisạm phoṭbol dolre pạhil dhao leka jãhãe Santal ko̠ṛa hohoe ńamkeda. Dinạjpur jilạren phoṭbol e̠ne̠c̕ ko̠ṛa Mathias Bablu Hembrom Baṅladisạm phoṭball do̠l reak̕ 36 gọten ho̠ṛ são primary squad re ko hohoakadea. Onḍekho̠n bachaokate 25 ho̠ṛ aso̠l (main) do̠lre gate lạgit̕ko hataokoa. Mathias Bablu Hembrom do̠ Ạḍi tukhạṛ phoṭbol khilạḍiạ kanae. Santal somajre phoṭbol enec̕ do̠ Ạḍigebon kusiak̕a. Aema juạn ko̠ṛage atokore Ạḍi napaeko gatek̕kana menkhan jạtiạ (national) re̠do oko̠e hõ̠ nitok̕ hạbic̕ bako se̠ṭe̠r dạreokana. Ado̠ pạhil dhao leka nui Santal ko̠ṛako se̠le̠t̕kedea noa do̠ ạḍi go̠ro̠b ar rạska kho̠bo̠r kana. Mathias Babalu Hembrom do̠ Baṅladisạm Polis (Police) phoṭbol do̠lren forward player kanae, 2012-13 Sheikh Jamal Academy, 2014 se Team BJMC re tahẽ̠kate Baṅlade̠sh Polise Phoṭbol do̠lrec̕ gateokana . Federation Cup re 4 matchre 2 goal kate ạḍi tạpsi lekate jo̠to̠ ho̠ṛak̕ mone ńamkeda 2019/20 se̠rmare ạḍi tukhạrre gateokante Baṅlade̠sh National Do̠ren kochak̕ mẽt̕re paṛaoakana. As tahẽ̠na nui ko̠ṛa jate̠ aso̠l do̠lre gatek̕ lạgit̕ko bachaoe.

Comments are closed.