Ge̠l se̠rma umạrena Santali sereń do̠l Se̠ṅge̠l



Baṅladisạmak̕ gạkhur sereń do̠l do̠ Se̠ṅge̠l. Nahak̕ se̠rma se̠ṅge̠l banḍ do̠l do̠ taṛam laha reak̕ are̠ se̠rma paromkate ge̠l sermae lebet̕keda. Apnar Go̠go̠ pạrsite go̠go̠ aṛaṅ reak̕ sereń goṭa dhạrtire pasnao lạgit̕ dilgạriạ sereń dulpulạriạ juạn rạisi hotete noa sereń do taṛhaoelena.
2011 se̠rma reak̕ 26 jun kho̠n se̠ṅge̠l Banḍ do̠l taṛame e̠ho̠p̕leda. Noa banḍ reak̕ janam khon menaea noa sereń do̠lren ayuric̕ John Hembrom. Aema lekan eṭkeṭõ̠ṛẽ̠ parom kate teheń seṅgel band do̠l mit̕ṭen sajao saṛaokate mit̕ṭen daṛean sereń do̠lak̕ muṭhanre hec̕akana, Oka uniak̕ kathare roṛ rakap̕akana. Noa ge̠l se̠rma mudre se̠ṅge̠l banḍ do̠lak̕ pon goṭen bhiḍio sereń ar ge̠l mit̕ goṭen oḍio sereń so̠do̠rakana. Noako sereńre menak̕ santalko cetan ko̠clo̠n-saset birdure lạrhại ar se̠ṅge̠l leka pasnao katha, menak̕ santal jạt sirjạu reak̕ kạhni, arhõ̠ menak̕ dulạṛ-hạsu babod sereń hõ̠.
Se̠ṅge̠l banḍ do̠l ren ar mit̕ rạisi manuel soren meneda, “Aleak̕ monsubạ santalkoak̕ at̕akan sereń ar rạṛko sendra oḍok̕ kate onako ṭhik doho kate nãwã muṭhạnte santal juạnko samaṅre so̠do̠r. Manuel soren arhõ̠e baḍaeocoeda, nahak̕ se̠rma se̠ṅge̠l banḍ do̠l janam mãhã disạ uiharkate aema lekan onusṭhan manao renak̕ kurmuṭu hatao hoelena. Daraekan 30 jun Hul dinisạ mãhã manot kate mit̕ṭen bhiḍio sereń so̠do̠r reak̕ katha hõ̠ tahẽ̠lena, menkhan ko̠rona ruạ karonte ona do̠ ṭhir hapena. Se̠ṅge̠l banḍ do̠l hul mãhã disạ kate bharot, nepal, bhuṭanren namḍak̕ sereńic̕ko são sereń ar gapalmarao renak̕ mit̕ Bhiḍio Konpfarence (Video Conference) sapṛaoakada. 30 june ạyup̕ o̠kte̠ 7 jokhec̕ Facebook live hotete noa do̠ porcarok̕a.
Nahak̕ se̠ṅge̠l Banḍ do̠lren manotan rạisikko hoyok̕kana Ronjit Kisku (Vocal), Manuel Sorn (Vocal ar keyboarḍ), Sakam Subrata Mardy (Tumdak̕) Samson hãsdak̕ (Tiriạ), John Hembrom (Guiṭar), Emon Murmu (Drams ar Okṭopas). Ge̠l se̠rmare taṛam lahae lạgit̕ Johar sandes Se̠ṅge̠l Banḍ do̠lren Sanam rạisiko. Santali pạrsi, Santali go̠go̠ aṛaṅte apnar katha, ạricạli pasnao ar rạkhi jogao reak̕ daman kạmi lạgit̕.

Comments are closed.