SSC biḍạu reak̕ jo̠ so̠do̠rena

Teheń SSC biḍạu reak̕ jo̠ so̠do̠rna. Oka biḍạure nahak̕ 82.87% paṛhaoic̕ko passakada. Disạm akyuric̕ Sekh hạsina gonobhobon kho̠n bhiḍio ho̠te̠te̠ SSC biḍạu reak̕ jo̠ uchnạukeda. Niạ tayo̠m International Language Institute auḍitorium kho̠n facebook live ho̠te̠te̠ SSC biḍạu reak̕ jo̠ babod gạhir macha lại so̠do̠rkeda disạmren sikhnạt muntri. Are̠ goṭen sikhạnt boarḍre passkadako 83.75% ar tecqnical boarḍreko passakda 71.70% SSC biḍạu emoic̕. Nahak̕ disạm reak̕ sanam boarḍre passte laha menkoa kuṛiko. Okare paṛhao ko̠ṛakoak̕ passkadako 81.63%, ar kuṛikodo 80.10%. SSC biḍạure noa se̠rma 10, 21, 490 paṛhao ko̠ṛako se̠le̠t̕lena. Ona mudre 8, 33, 892 goṭenko passakada. Ar 10, 18, 538 goṭen kuṛi noa biḍạu reko se̠le̠t̕lena ar onko modreko passakada 8, 46, 631 goten kuṛi. Nahak̕ do̠ ko̠rona iạte jo̠to̠ lekan sikhnạt pratisṭhanre SSC biḍạu reak̕ jo̠ kol baṅ hoyok̕a. Onate biḍạu jo̠ maha kho̠nge siknạt pratisthan reak̕ aphis bond dohoe renak̕ hukum em hoeakana sanam lekan sikhnạt boarḍ kho̠n.

Mobilete SSC bidạu reak̕ jo̠ ńam lạgit̕

Jãhãe SSC biḍạu reak̕ jo̠ mobilete ńame menjoṅlenkhan, pạhil SSC o̠l kate space emkate boarḍ reak̕ pạhil pea lạṭu akhor RAJ/DIN/DHA inạ tayo̠m roll no̠mbo̠r ar space emkate biḍạu em reak̕ se̠rma 2020 o̠lkate 16222 no̠mbo̠rre kol lagak̕a. Ar ruạr messagere SSC biḍạu reak̕ jo̠ baḍae ńamok̕a.
Ar tecqnical board reak̕ jo̠ ńamem menlenkhan Tec o̠l kate space emlagak̕a. inạ tayo̠m roll no̠mbo̠r ar space emkate biḍạu em reak̕ se̠rma 2020 o̠lkate 16222 no̠mbo̠rre kol lagak̕a. Ar ruạr messagere SSC biḍạu reak̕ jo̠ baḍae ńamok̕a.
Mobile são são apnar apnar sikhạnt boarḍ reak̕ official website kho̠n hõ̠ biḍạu reak̕ jo̠ babod baḍaeok̕a.
Ona chaḍa Jilạ aphis (DC) ar Upạjilạ aphis (UNO) ren kạmic̕koak̕ jãhãn pratisṭhan reak̕ jo̠ ńamok̕a. Jạruṛ paṛaolenkhan DC aphis se̠ UNO aphis kho̠n biḍạu reak̕ hardcopy ńamok̕a mente sanam boaṛdren milạu kạmịṭiko lạ̣i so̠do̠rkeda.

Comments are closed.