Sido Kanhu Murmu Universiṭiren Vice Chancellor hisạbte bahalena Prof. Sonajharia Minj

Jharkhanḍ rajre Mn. Hemanta Soren sarkarak̕ so̠lhate rajjyapal Mn. Drupodi Murmu Dumka reak̕ Sido Kanhu Murmu Universiṭiren Vice Chancellor hisạbte bahalkedea ạdibạsi maejiu Professor Sonajharia Minj. Nahak̕ do Prof. Sonajharia Minj maraṅ nagraha Delhi reak̕ Jawarharlal Nehru Universiṭire School of Computer and Systems Science biso̠eren professor hisạbteye nukrieda. 1992 serma kho̠n uni Jawarharlal Nehrure mahaso̠e hisạbte paṛhaoet̕koa. Noa laha Maduraj Kamraj Universiṭi (Tamil Nạḍu) ar Barkattullah Universiṭi (Madhya Pradesh) mahaso̠e hisạbte paṛhaokat̕koae. Jawarharlal Nehru Universiṭire mahaso̠e hisạbte paṛhao o̠kte̠ Nehru University Teacher Association (JNUTA) sabha mukhiạ hisạbte bachao ocolena.
Delhi reak̕ Jawarharlal Nehru Universịti kho̠nge uni Computer Sciencere Mphil  are Doctorate ạkil hudại hameṭakada. Madras reak̕ Christian Kolej kho̠n Mathematicste Msc degree hataoakada.
Mit̕ ạdibạsi professor hisạbte Prof. Sona Jharea Minj Jharkhand raj reak̕ Sido Kanhu Unversiṭi Vice Chancellor hisạbte bahalenkhan ạdibạsi raj Jharkhanḍ são goṭa disạmren ho̠ṛ rạskạteko pe̠re̠c̕akana.

Comments are closed, but trackbacks and pingbacks are open.