Ko̠ro̠na bhaeras: ce̠t̕ cekae hoyok̕a ar ce̠t̕ko do̠ baṅ

Ruạ, khok̕ manda, sãhe̠t̕ hatao akbako se baṅjut ạikạu, jaṅkore se girhạkore haso são ko̠rona bhaeras reak̕ cinhạ ńel ńamlenkhan IEDCR são jo̠gajo̠g tabonpe. IEDCRak̕ jạruṛ o̠kte̠ ńam reak̕ no̠mbo̠r 01927711784, 01927711785, 019370000011,01937 110011

Goṭa Dhạrtire ko̠ro̠na bhaeras pasnaoakana. Baṅgladisạm hõ̠ noa bahre do̠ baṅ. Niạ bises lekan bhaeras ucạṛ karonte birạj cintạ disạm ar disạm baherkore bại bạite jạsti calak̕kana. Me̠nkhan apnar, apnar ghãrõ̠ńj, peṛako se̠ ho̠ṛko rukhiạ do̠ho̠e lạgit̕ disạmren mit̕ ce̠haoan ho̠ṛ hisạbte amak̕ kạmi reak̕ ce̠t̕ menak̕a ! Ce̠t̕ lekate am noa bhaeras birudre lạṛhại kate ho̠ṛem rukhiạkoa … noakoge noṇḍe lạiakana …

Citạr: WHO FB Sakam

Apnar jive̠t̕ hebajo̠t̕ daṛeak̕am? WHO (World Health Organization) ar disạm sorkarak̕ IEDCR hote̠te̠ ho̠ṛko e̠bhe̠n lạgit̕ thoṛa so̠lha e̠me̠na. Dela, tobebon baḍaejoṅa …

1. Barbar ti ạrup̕

Dinạmge ar bhagete sạbunte ti ạrup̕ lagak̕a (Bar ge̠l sekonḍ hạbic̕). Cedak̕? Noa katha reak̕ porman menak̕a je sạbun dak̕te ti ạrup̕ sapha lenkha noa bhaeras go̠c̕ marao cabak̕ae. Ti mạilạ se̠ losopoṇḍo baṅ ńellenkhan hõ̠ barbar sạbunte ti ạrup̕ lagak̕a. Me̠nkhan bise̠skaate ti ạrup̕ lagak̕a bahre kho̠n ruạṛ tayom, ruạ ho̠ṛ susạr tayo̠m, khok̕ manda  tayo̠m, jom laha,  tear ar e̠m okte, ṭạnḍite racate tayo̠m, usul janwarko susạr tayo̠m.

2.Saṅgińre tahẽnpe

Noa o̠kte̠ jãhã lekan manda khok̕, ruạkop hoelenkhan ho̠ṛ ṭhe̠n kho̠n mit̕ meṭer se̠ pe̠ phoṭ saṅgińre tahẽ̠n jạruṛa. Cedak̕? phlu lekange noa ruạ hõ̠ khok̕ reak̕ kạṭic̕ dropleṭ se̠ ṭho̠p̕ ho̠te̠te noa do̠ judạ ho̠ṛ ṭhe̠n ucạṛok̕a. O̠ko̠e khok̕eda, uni ṭhe̠n kho̠n saṅgińre tahẽ̠n jạruṛa. Se̠ noa ruạrey paṛaoakan nonkan ho̠ṛ jo̠ṭe̠t̕ kho̠n pharak̕ tahẽ̠ge bogea. Ruạre paṛaoakana janwar ṭhe̠n kho̠n saṅgińre tahẽ̠n jạruṛa.

3.Mu moca jo̠ṭe̠t̕ baṅ

Ti ho̠te̠te̠ abo do̠ dinạmge aema lekan jinisbon jo̠ṭe̠t̕eda. Onako jinis kho̠n tire bhaeras hoe daṛeak̕a. Onate so̠nto̠r tahẽ̠n jạruṛa. Mạilạ tite jãhã o̠kte̠ge mũ, moca se̠ emanteak̕ baṅ jo̠ṭe̠t̕ hoyok̕a.

4.Khok̕ reak̕ ạricali manao jạruṛa

khok̕ ruạk̕ okte reak̕ ạnko manao idieme. Ar judạ ho̠ṛ ona manao lạgit̕ ce̠haoko jạruṛa, Khok̕ se̠ achim o̠kte̠ mũ, moca rumạl, tissue se̠ bạhĩ (The upper side of hand) te e̠se̠do̠k̕me. Tissue ṭhik jaega re giḍieme.

5.Jạruṛ hoelenkhan oṛak̕re tahẽ̠nme

Ruạ lenkhan oṛak̕rege tahẽ̠nme. Bahre calao e̠kalte jạruṛ hoelenkhan mũ moca po̠ṭo̠m musk beoharme.

6.Jo̠m babod so̠nto̠r

Be̠re̠l je̠l hako daka utu o̠kte judạ capiń boarḍ, churi beohar jạruṛa. Be̠re̠l jel hako sap̕ tayo̠m sạbunte ti mõ̠jte sapha lagak̕a. Bhage lekate isin kate jo̠m lagak̕a. Ruạ janwar jãhã o̠kte̠ge baṅ jo̠mko hoyok̕a.

7.Daṛan o̠kte̠ so̠nto̠r

Jạruṛ baṅ paṛaolenkhan bide̠s daṛan kho̠n pharak̕ tahẽ̠n lagak̕a.

Comments are closed, but trackbacks and pingbacks are open.