Rupạ Barag kukhi Go̠go̠ 2020 hisạbte barea Santal Go̠go̠kin bachaoakana

Jao serma lekage nahak̕ serma hõ̠ Rupa Barag Kukhi Go̠go̠ hisạbte Man.ko e̠makoa. Go̠go̠ak̕ hunạr kạmite apnar gidrạko bhạlại ṭhãore se̠ṭe̠r lạgit̕ noa mạnko e̠makoa. Noṅka lekage nahak̕ serma daraekan 10 Marc,  2020 goṭa Dhạrtire Go̠go̠ m̃ahãre bachaoakana 200 maejiuko Rupạ barag kukhi Go̠go̠ hisạbte manotko e̠makoa. Nõko Go̠go̠ko modre bar goṭe̠ń Santal maejiu noa mạn lạgit̕kin bachaoakana, mit̕ do̠ Dinạjpur Jilạrenren Mn. Santani Hãsdak̕ do̠saric̕ do̠ Mn. Rajobala Murmu.

Mn. Santani Hãsdak̕

Usrạu Go̠go̠ Mn. Santani Hãsdak̕ ghãrõ̠ńj reak̕ re̠ṅge̠c̕ iạte, somajak̕ andha pạtiạu baṅ cehao karonte ac̕ak̕ paṛhao bae laha idi daṛeleda. Pon piṛhi kilạs rege ac̕ak̕ o̠lo̠k̕ paṛhao do̠e bạgi mucạt̕leda. Ac̕ mõ̠ńjte bae paṛhao daṛelenkhanre hõ̠ ac̕ren gidrạko sikhnạt reak̕ marsal e̠m lạgit̕e mon murmuk̕ katey kurmuṭuwakada. Kạuḍi reak̕ ṭanaṭani ar somaj reak̕ aema lekan akoṭ dea giḍi kate uniren sanam gidrạ sạri ho̠ṛe benaoke̠t̕koa. Jawae do̠ mit̕ usrạu casa ho̠ṛ kanae. 1978 serma melabari iskul kho̠n tala bidạu e̠m tayom, uni do̠ paṛhao  bae laha idi daṛeleda, ghãrõ̠ńj reak̕ sanam lekan dayik̕ ac̕re ladeina. Ghãrõ̠njre upạikate gidrạkoe paṛhao ocoke̠t̕koa. Mạn lekate  Jạtiạ Hako Hapta 2017 milạukate boge hako casa hisạbte Dinạjpur Polis Ạphis kho̠n mạne hameṭakada. Mn. Komol Kisku ar Santani Hasdak̕ juripạriren pon go̠ṭe̠n gidrạ. Noko do̠ Mukul Kisku, Uttam Kisku, Nobomi Kisku, Polas Kisku. Noko Sanamge judạ judạ bis̃ạbiddaloy (University) kho̠n degree hatao kate sarkar ar besarkari nukrire bahal menak̕koa.

Ac̕ baṅ paṛhao daṛelenre hõ̠ ac̕ren gidrạkoak̕ bhạlại sikhnạt lạgit̕ ạḍiye kosṭolena, kurmuṭu lekate sabasi ho̠ṛe benaoke̠t̕koa, Rokea diwasre ona lạgit̕  Dinạjpur jilạ akyuric̕ aphis kho̠n 2019 sermare ‘Joyita Onneson Bangladesh’ jayita mạ e hatmeṭleda. 2018 sermare Phulbari Upạjilạ Somaj Sewa Odhidaptar kho̠n usrạu Go̠go̠ hisạbte mạne hameṭleda.

Nokoak̕ bhạlại usrạu ńam lạgit̕ dulạṛ ạḍi ma̠n manot joharle so̠do̠rapekana. Nokoge Santal somajren uskur ar udgạuan Go̠go̠ maejiuge. Noa lekan udgạute sanam Santal ghãrõ̠ńj sikhnạt reak̕ uskur tearok̕ma ar Dhạrti talare abo hõ daṛean jạt lekatebon teṅgoṅ daṛeak̕ ar santal somaj laha se̠c̕bon idi daṛeak̕. Abo jạtren jo̠to̠koge nokin Go̠goren gidrạko ṭhe̠n jạt lahanti reak̕ jopoṛao kạmikore ạḍi aema asle do̠ho̠eda…..

Comments are closed, but trackbacks and pingbacks are open.