Baṅgladisạmre International Santal Conference Bạtil Hoyakana

Calaoen 14 Marc, 2020 International Santal Councilren mukhiạko mit̕ṭe̠n sabha ho̠ho̠kate Epril 18 kho̠n 19, 2020 Baṅgladisạmre neṇḍaoakan goṭa jạtiạri Santal he̠lme̠l (International Santal Conference) do̠ bạtilko gho̠so̠nakeda. ISCren (International Santal Council) manotan paranik Kushạl Hãsdak̕ ho̠te̠te mit̕ṭe̠n loṭis e̠m hoyakana. Ona loṭis kho̠n baḍae ńamakana je, Ko̠ro̠na bhaeras karonte noa he̠lme̠l do̠ bạtil hoyena. Ado̠ noa bhaeras reak̕ ruạko komaolenkhan nãwãte he̠lme̠l reak̕ tạrikko baḍae ocok̕a.

Noa goṭa jạtiạri he̠lme̠l (International Santal Conference) calaoen Jạnuạrire hoe ocoe reak̕ katha tahẽlena. On okte̠re NRC ar CAA lạgit̕ he̠lme̠l do̠ baṅ hoylena.To̠be noṅkan ghane ghane he̠lme̠l reak̕ tạrik palṭao karonte Baṅgladisạm ar Bharo̠tren he̠lme̠l sasapṛaoic̕koak̕ so̠ṛo̠m ado̠k̕kana. Arhõ̠ baḍaeok̕kana je, ISC do̠ he̠lme̠l babotte Baṅgladisạmren aema Santali Banadhaoko baṅe baḍae ocoakaťkoa. Noa karonte Baṅgladisạmren Santalko ISCwak̕ kạmi ar he̠lme̠l babotkote ạḍi lekan sondehore menak̕koa. Noako sondeho karonte Santal somajren ạk̕yurko do̠ Baṅgladisạmre ISC he̠lme̠l baṅ hoe ocoe lạgiť tehãḍ daram reak̕ kathako goṭa baṛaeda – me̠nte ańjo̠mo̠k̕kana.

Comments are closed, but trackbacks and pingbacks are open.