CORONA (COVID-19) virus iạte o̠lo̠k̕ paṛhao ṭhaonako 31 Marc,2020 hạbic̕ bondo̠ tahe̠na

CORONA (COVID-19) virus ruạ karonte Baṅlaglade̠s Sarkar do̠ gapa mo̠ṅgo̠l bar (17/03/2020) kho̠n 31/03/2020 Marc hạbic̕ sanam lekan o̠lo̠k̕ paṛhao ṭhaonako bond reak̕ katha hukum lekatey jạrikeda. Teheń sikhạnt upạmuntri Mohibul Hasan Chowdhury noa kathae baḍaeocokeda. India disạmre hõ noa tạrik kho̠nge aema aema rajyare o̠lo̠k̕ paṛhao ṭhaonako bond menak̕a.

Noa obosta kho̠n rukhiạk̕ lạgit̕ Dhaka Universiṭi lo̠lo̠ (summer) din reak̕ chuṭi lahakate sikhnạt reak̕ sanam lekan kạmi tayomena  . 18 March kho̠n 28,2020 hạbic̕ biswobiddaloy renak̕ sanam lekan kilạs ar biḍạu tayomte hoyok̕a. Pe̠ ge̠l m̃ahãso̠koak̕ mo̠t baḍaekate noa mo̠nsubạ goṭa hoeakana.

CORONA (COVID-19) virus reak̕ so̠nto̠r hisạbte March,18 kho̠n 31,2020 hạbic̕ Jessor Biggan Projukti Biswabiddaloy reak̕ sanam lekan akaḍemik kạmi bond reak̕ katha jạri hoeakana. Biswabiddaloyren upacarjo ak̕yurte jạruṛ sabha re noa hukum jạriwakana  je te̠he̠ń modre jo̠to̠ o̠lo̠k̕ paṛhaoak̕ko hosṭel aṛag hoyok̕takoa .Kusṭia Biswabiddaloyren Rejister S. M Abdul Lạtifak̕ sạhite mit̕ jạri sakamre 18 March kho̠n 31 Marc, 2020 hạbic̕ sanam lekan kilạs ar biḍạu do̠ bond tahẽna. Menkhan ạmạli (Office) do̠ cạlu tahẽna. Marc 18,2020 setak̕ 11baje modre onḍe o̠lo̠k̕ paṛhao koṛa kuṛi hall aṛak̕ lagaoakoa. Daraekan April,2020 cando reak̕ 1 tạrik setak̕ hallre he̠c̕ daṛẽak̕a.

CORONA (COVID-19) virus bo̠to̠rte rajnagraha Ḍhaka reak̕ aema sikhnạt ṭhaonare o̠lo̠k̕ paṛhao gidrạkoak̕ hạjir komạo idikan tahẽna. Ḍhaka Biswabiddaloy, krishi Biswabiddaloy, Bueṭ, Cueṭ são aema lekan sikhnạt ṭhaonare o̠lo̠k̕ paṛhao gidrạ calaoko bạgiet̕kan tahe̠na. Biswabiddaloyren mahaso̠e hõ̠ chuṭi reak̕ kathako ro̠ṛ rakap̕et̕kan tahe̠na.

Sikhạnt mantranaloy (Ministry of Education) onạ dinko lại ạguet̕kan tahe̠na, Sasto mantranaloe (Ministry of Health) so̠lha lekate bebostako hataoakak̕a. Menkhan calaoen aṭhwar hilạk̕ Sasto montri (Health minister) Jahid Maleke menleda, sikhnạt ṭhaonako jhic̕ se̠ bond do̠ho̠e hoyok̕a ona do̠ montraloe reak̕ bisoykana.
Mahaso̠e, o̠lo̠k̕ paṛhao gidrạko ar go̠go̠ babako hõ̠ mo̠tko e̠makada, ạḍi usạra sikhnạt ̣haonako bond lagak̕a. Karon aema ho̠ṛge bo̠to̠rte iskul, kole̠j, biswabiddaloy calak̕ko bạgiakada.

Ḍhaka biswabiddaloyren arege̠l turui bivag ar instituteren pon ge̠l o̠lo̠k̕ paṛhao gidrạ kilạs biḍạuko bạgiakada. BUIETren o̠lo̠k̕ paṛhaoko laha din leka bako kilạsakana. Rajshahi biswabiddaloyren o̠lo̠k̕ paṛhao gidrạko biswabiddaloy bond reak̕ko dạbiakada. Biswabiddaloy reak̕ gonjogajog ar saṅbadikota bivagren sanam se̠remaren o̠lo̠k̕ paṛhao gidrạko kilạs biḍạu bạgi reak̕ko goṭa akada. Noako kilas eho̠b ar biḍạu reak̕  katha tayom daramteko baḍae ocokoa.

Rajshahi prakạusol ar prajukti biswabiddaloy (RUET)ren o̠lo̠k̕ paṛhao gidrạ koak̕ hạjira komaok̕kana. Jogonnath biswabiddaloe renak̕ o̠lo̠k̕ paṛhao gidrạko kilạs ar biḍạuko bạgi reak̕ko go̠ṭaoakada. Baṅladisạm krishi biswabiddaloyren o̠lo̠k̕ paṛhao gidrạko hõ̠ kilạs biḍạu bạgi reak̕ko go̠ṭakeda.

CORONA (COVID-19) virus ruạ karonte Mn. Baṅlaglade̠s ar India Sarkar do̠ gapa mo̠ṅgo̠l bar (17/03/2020) kho̠n 31/03/2020 hạbic̕ sanam lekan o̠lo̠k̕ paṛhao ṭhaonako hukum lekate bond reak̕ kathakin jạrikeda.

 

Comments are closed, but trackbacks and pingbacks are open.