Judạ Lekan Ḍigṭal Pạrsi So̠mpo̠t̕

0

Baṅladisạmren Santali ar kurukh pạrsiren juạnko ho̠te̠te̠ dạkhin Asia reak̕ ạḍi maraṅ digiṭal pạrsi so̠mpo̠t̕ tearok̕kana. Santali Unicode software tearic̕ Samar Sorenak̕ kurmuṭute noa khũt ̣(Resource) tear kami e̠ho̠p̕akana. Pạrsi dilgạr juạnkouạnko uniak̕ kạmireko laha hijukana.
International Language Institutere resarch kạmi o̠kte̠ Samar Soren baḍaekeda, Baṅladisạmre ṭhik 43 gọte̠n pạrsi reak̕ so̠mpo̠t̕ menak̕a.  Me̠nkhan, noa pạrsi reak̕ so̠mpo̠t̕ bańcao do̠ho̠e renak̕ jãhãn kurmuṭu bạnuk̕a. Aso̠kaete noa no̠ko̠l ạkilan pạrsi ạḍi daman samagiri.
Onate, 2017 se̠rma apnarak̕ santali pạrsi ar Urạu jạtkoak̕ ado̠k̕kan kurukh pạrsi niyete̠ mit̕ṭe̠n pạrsi resource leka ḍigiṭal modele ạpnar kho̠ro̠cte teare kurmuṭuleda ̣. Noa model reak̕ ńutum doho hoekana Language Resource Database. Pạrsi ḍigiṭalization lạgit̕ge noa kurmuṭu reak̕ aso̠l najar. E̠ho̠p̕ reak̕ katha babod Samar Soren meneda, 2017 se̠rma khạli eae goṭe̠n Santal ar Urạu jạtkoren volunteer niyạte̠ language resource hub ńutuman khũṭ benao rakap̕ledạń. Information Technology aṛere pạrsi taṛhao do̠ho̠e lạgit̕ aema lekan language resource hud community  te̠arakadạń .

Noa, component modre menak̕ pe̠a pạrsi word list enjine (Santali-Iṅrạji-Baṅla), Turui lakh sabad reak̕ online diksạnari, Gloss lekan online diksạnari, Santali ar kurukh pạrsi reak̕ pho̠ṇṭ, O̠l (Typing software), Bhul sudhạr (Spell checker), online typing pad, pạrsi documentization, Alphabet transliteration tools, Social music database, Herbal medicine treatment database, Nagam ar ạricạli reak̕ database, ạn sabad ar tiker glossary, Kạṭic̕ gidrạkoak̕ gate reak̕ glossary, Dare nạ̃rĩ reak̕ glossary, Janwar, cẽ̠ṛẽ̠ ar tejoko reak̕ database, Unicode kho̠n ascii haro̠p converter, IPA converter, santali music editor, music documentation arhõ̠ aema lekanak̕. Noa component mudre aemage tear purạoakana. Ar hõ̠ aemage tear ho̠rre menak̕a.
Samar M. Soren baḍaeocoeda, khạli baṅladisạmre bar ge̠l leka samajik soṅgoṭhon noa toolsko/resource beohareda. Data resource beoharkate Santali pạrsi reak̕ beako̠ro̠n international lekate so̠do̠r so̠mbho̠b hoekana. Noa, Santali pạrsi documentazation lagit̕ ạḍi go̠ṛo̠e e̠mok̕a. Somar sorenren do̠lrenkoak̕ kạmi mucạakan translations tools Santal pạrsi reak̕ lipi modre mit̕ jumid tearakada. Ona chaḍa pạrsi sãohet̕ ar bar dialect (Utạr ar dạkhin nakha) babo̠d pharak ar kisim (Variety) babo̠d bhạlại hudis ńamo̠k̕kana. Noa lekate aema lekan haro̠p te o̠lakan biso̠e babo̠d analysis so̠mbho̠bo̠k̕kana. Lipi babod monsubạ goṭa hatao lạgit̕ noa analysis ạḍi jạruṛgea.
Samar M Sorene meneda, noa model lekate online Santali ar kurukh pạrsi ńellekan mit̕ re̠he̠t̕ dare teṅgo taṛhaok̕a. Sor dinge santali pạrsite misin translator reak̕ kạmi lahae reak̕ goṭa hoekana. Menkhan, noa lạgit̕ ạḍi bhage caher (skill) ho̠ṛ ar kạuḍi jạruṛa okata Samar Soren lạgit̕ jhãp (Challenge) kana.
Samar M Sorenren mahaso̠e ar Daffidol Intenational University ạn bivagren são odhapok Dr. Kudrạt- E- kuda meneda, Samar Sorenak̕ digiṭal resource modre soical music database ạḍi maraṅ resourcekana. Noa ho̠te̠te̠ santali sereń reak̕ mit̕ lạṭu digital archive tear so̠mbho̠b hoeakana. Bharo̠t ar baṅladisạmren Santali sereńic̕ ar akoak̕ sereń reak̕ mit̕ oṛak̕ hisạbte tearakana. Sanam Santal sereń ar sereń ruruak̕ reak̕ jo̠to̠ lekan kho̠bo̠r ńam iạte noa music documentazation lạgit̕ ạḍi go̠ṛo̠e e̠mok̕kana noa music database.
Baṅladisạm komputer kaunsil ren pạrsi gạkhuṛic̕ ar jahaṅgir university ren são professor meneda, jãhãn pạrsi digital aṛere baṅ hebajo̠t lenkhan jahãn pạrsige at̕ ar goc̕ marao reak̕ bo̠to̠r tahẽna. Ona lạgit̕ pạrsi reak̕ resource jogar lagak̕a, pạrsi analysis lagak̕a. Ḍhaka Universityren pạrsi bivagren são professor e̠ho̠p̕ kho̠nge Samar Sorenak̕ kaxmikorey gõ̠ṛõ̠wakana. Unie meneda, at̕ pạrsi reak̕ digital resource tear niạko o̠kte̠ lạgit̕ ạḍi jạruṛa ar oka ạḍi jhạl ar lạṭu kạmikana. Noa lạgit̕ bhạlại sikhạnt ar o̠lo̠k̕ paṛhao reak̕ jạruṛtet̕ menak̕. Noako content tear lạgit̕ noṅkana apanar kurmuṭuan ho̠ṛkoak̕ jạrurạ se̠ international lekan sikhạnt be̠bosta lekhan noako go̠c̕ marao ḍaharre calao pạrsi reak̕ hebajo̠t so̠mbho̠bgea.
Samar M Soren ac̕ak̕ kurmuṭu babode meneda, language resource database model santali ar kurukh pạrsi hebajo̠t lạgit̕ ạḍige jạruṛa. Digital resource kạmi purạu lenkhan information technologyre noa banar pạrsi lạgit̕ content tear lạgit̕ ạḍi gõ̠ṛõ̠e e̠mo̠k̕a. Pạrsi lạgit̕ akhat (dispute) se̠ ridkhid (debate)re bhạlại obostare teṅgo lạgit̕ gõ̠ṛõ̠e e̠mok̕a.

Source: Bdpratidin

Leave A Reply

Your email address will not be published.