ḌAṆḌARE GHAṚA KAṆḌA

0

Ḍaṇḍare ghaṛa kaṇḍa he̠rme̠t́,
Biṭiaḱ mõ̠ńj napae koyoḱ beṅget́,
Mõ̠ńj muṭhạn saj-sajao je̠ṅge̠t́,
Ghaṛa kaṇḍa pe̠re̠ć daḱ baco̠ ańje̠t́.

E̠se̠l usul pạtli ḍaṇḍa,
Mõ̠ńje̠ ńe̠lo̠ḱ he̠rme̠t́ kaṇḍa,
Ńe̠ltaeme che̠me̠k taṛam ṭaṇḍa,
Ho̠rre hijuḱ se̠no̠ḱ ghãse̠ maṇḍa.

Luturre pagra tire cuṛi
se̠ge̠ć-se̠ge̠ć,
Pińcạr maraḱ ruṕtae taṛam
le̠ge̠ć-le̠ge̠ć,
Hilạu hipiṛ kulhi e̠ne̠ć,
Landatae muluć me̠sko̠ć khe̠ne̠ć.

Gate kuṛi so̠ṅge daḱ loem
calaḱ capakiạ ḍạḍi,
Ho̠rre hijuḱ se̠no̠ḱ koṛa
hõ̠co̠ nolaomeko ạḍi,
Niạ hạlima amaḱgeco̠ go̠lpo̠
calaḱ goṭa ṭạṇḍi,
Haere! Ko̠ro̠m kopal ce̠t́ baṅ se̠ Ińdo̠ń ko̠ṭe̠ć kuṭạm cạndi.

Leave A Reply

Your email address will not be published.