Santali Pạrsi reak̕ bar hạṭiń sereń puthi

2

Hapṛamkoak̕ ro̠ṛ ạguak̕ katha ar onkoko sereńlet̕ sereń sedae do̠ e̠ke̠n moca mocatege onko ṭhe̠n cet̕ ạgue̠t̕ tahẽnabon. Nahak̕ do̠ jug phe̠ronena. Sedae lekan ạt ar aphsor bạṅbon ńam daṛeak̕kana. Aema lekanak̕ ḍanḍirebon paṛao iạte. Onate hapṛamkoak̕ katha ar sereń bại bại te hirińok̕ kana.
Atore, akhṛare, bapla, se̠ bihạre, dho̠ro̠m, ko̠ro̠mre, po̠ro̠b po̠rbasre, sendra karkare, se̠ ar eman teak̕kore hõ̠ko sereńak̕. Sereń do̠ ho̠ṛ ho̠po̠nak̕ jion reak̕ mit̕ hĩs lekage ar ho̠ṛ ghãrõ̠ńj jer mit̕ lạgit̕ mit̕ṭe̠n maraṅ upạikangea. Ado noṇkan bo̠do̠l o̠kte̠re sereń o̠l do̠ho̠e do̠ ạḍi jạruṛa. Baṅ o̠lle khan hante nhate hiric̕ pạsir pạsirok̕te ado̠k̕ reak̕ ạḍi bo̠to̠r menak̕ ar noṅkate aboak̕ gahạndi cõ̠hõ̠t hõ̠ marao bote̠c̕kok̕a. Ona chaḍa aema karon iạte aboak̕ pạrsi ar onate aboak̕ sereń hõ̠ ạḍi mũhĩnre menak̕. Rukhiạ reak̕ upại baṅ hoelenkhan aboak̕ pạrsi ar sereń gaḍbaḍaok̕ reak̕ ạḍi bo̠to̠r menak̕. Ona iạte noa sereńko rakha bir leka ona kho̠n nãwã nirola ho̠ṛ sereń ar õ̠nõ̠ṛhẽko sagen hara daṛeak̕. Nonkate noa tumạl sereń do̠ ạḍi damanak̕ hoe daṛeak̕. Noa sereń paṛahao kate jãhãe un o̠kte̠ Santal somaj reak̕ muṭhạn chitạr babod baḍaeok̕a.

Santali pạrsi do̠ ạḍi kisạṛ ar maregea, oka do̠ dhạrtiren aema ạkilan deko jạtgeko bujhạu dạreleda. Ar Sạrige noakin Santali sereń puthi do̠ santali pạrsi ar sãohẽ̠t̕ reak̕ maraṅ dho̠n. Ho̠r sereń puthi (A collection of Santal songs) puthi do̠ Santal parganaren Ạṅrej rajren mucạt̕ Deputy commissioner (1931-1947) W.G Archer I.C.S tãhẽlena. Ona sãote uni do̠ nagam o̠lo̠k̕ic̕ (Historian), tayomte Musuem curattor tahẽlenae. Uni ho̠te̠te̠ noa pạhil hạṭiń 1942 se̠rma chapa so̠do̠rlena.
Do̠ṅ sereń (A collection of Santal Cultivation and marriage songs) puthi do̠ ho̠ṛ sereń puthi reak̕ do̠sar hạṭińkana. Noa puthi do̠ 1943 sermare Bengaria Mission press kho̠n chapa so̠do̠rlena.
Niạ banar puthire 3630 gọte̠n sereń menak̕̕a okako tumạl lạgit̕ kạmiakada G.G soren. Ona chaḍa hõ̠ Munshi kisku do̠ purnia jilạ reak̕ sereń, Baburam Hembrom do̠ goḍḍa ṭoṭha kho̠n, Babhu Harun Ṭuḍu hoṛo ro̠ho̠e sereń tumạl lạgit̕ko kạmileda. Noko chaḍa hõ̠ Babu S S Murmu ar Babu P.J soren (Ho̠ṛ iskulren Inspector) noako sereń tumạlreko gõ̠ṛõ̠ emakana.
Noa puthire sanatali reak̕ aema lekan rạṛ sereńko menak̕a. Je̠le̠ka:
1. Sohrae sereń-408 goṭe̠n
2. Gại jagao ar cumạuṛa-25 goṭe̠n
3. Dhurumjak̕-30 goṭe̠n
4. Daṇṭa-16 goṭe̠n
5. Ḍahar-96 goṭe̠n
6. Baha-154 goṭe̠n
7. Bhinsạr-84 goṭe̠n
8. Rińjạ-9 goṭe̠n
10. Dãsãe-328 goṭe̠n
11. Lagṛẽ-522 gọte̠n
12. Do̠ṅ-1823 goṭe̠n
13. Hoṛo rohoe-129 goṭe̠n

Tumạli: Ho̠ṛ sereń ar Do̠ṅ sereń puthi kho̠n

2 Comments
  1. Anonymous says

    Nowa banar puthi okare njamoha ??
    Tela rual alinj bin gomke (+918093681280)

  2. admin says

    Johar
    Noa do̠ chapare bạnuk̕a. Ńamlekhange baḍae ocomea. Aema sarhao. Johar.

Leave A Reply