Go̠go̠ pạrsiko hirińeda lạṭu ho̠ṛge, sikhnạt reak̕ ko̠do̠mko kho̠jo̠k̕kana parbattạ caṭṭragramren pahaṛi jạtko

0

Bandorban re Pạrsi lạgit̕ mããm gohakoak̕ thum re baha mano̠t emakan banar ạdibạsi gidrạ

Pon se̠rma laha sarkar reak̕ kurmuṭute adibạsi gidrạkoak̕ go̠go̠ pạrsi sikhạnt reak̕ ko̠do̠mko hataohoelena. Menkhan jạsti ho̠ṛge o̠l ar paṛhao baṅ baḍae iạte lạṭu ho̠ṛak̕ sikhạnt reak̕ jạruṛtet̕ menak̕a.
Baṅladisạmak̕ Parbatta caṭṭagram 11 goṭen adibasi jạtkoak̕ haro̠p menak̕a. Noako pạrsiren ho̠ṛ khạli akoak̕ pạrsi ńutumgeko o̠l daṛeak̕ mente baḍae ocokana. Me̠nkhan cet̕kate hõ̠ beohar ar laṛcaṛ reak̕ lolao (Destitute) iạte go̠go̠ pạrsite o̠l se̠ paṛhao aema ho̠ṛgeko hirińeda menteko aema ho̠ṛgeko aṅgoc̕eda.
Goṭa dhạrtire go̠go̠ pạrsi mãhã disạ disạ manao he̠c̕kate Bandorban Pạrsi lạgit̕ Mãyãm gohakoak̕ thum mano̠t e̠mkate noa kathako baḍae ocoakada.
Adibasikoak̕ pạrsi obosta Jạtiạri sikhnạt ar paṭhopustok boardre marma pạrsiren o̠lo̠k̕ic̕ ar bhãwãric̕ kaesopru kha pon bisoe cetan jạruṛte̠t̕ lại so̠do̠rkeda.
Pạhil do̠ pạhil sorkari iskulre e̠ho̠p̕akan mõ̠ṛẽ̠ goṭe̠n go̠go̠ pạrsite sikhnạt laha idie lagak̕a. Do̠sar dhaore haṛam buḍhi ho̠ṛ lạgit̕ sikhnạt e̠ho̠p̕, Tesar dhaore kolej, universiṭire go̠go̠ pạrsi beohar se̠ larcaṛ lạgit̕ sereń, ọ̃nõ̠ṛhẽ, golpo, gam kudum o̠l reak̕ be̠bosta ar pon karbari, heaḍmen, ar sarkel mukhiạko sarkari ar be̠sarkari ko̠do̠m gõ̠ṛõ̠e renak̕.
Noa ạri hataolenakhan ạḍi algate thoṛa no̠mbo̠r adibạsi ho̠ṛkoak̕ pạrsi se̠ haro̠p ạḍi algate cet̕ reak̕ ḍaharre hijuk̕a.
Bajar reak̕ keciṅghaṭa ilạka kho̠n baha mano̠tko he̠c̕akana Bir Bahadur iskul and kolejren mahaso̠e ar o̠lo̠k̕-paṛhao gidrạko.
Onkoren mahaso̠e Methaṅ rakhan hõ̠e meneda, uni khạli ac̕ak̕ ńutum o̠lge baḍaeak̕, paṛhao do̠ bae baḍaea.
Uni hõ̠ hudiseda pạrsi reak̕ beohar baṅ tãhẽlenkhan kạṭic̕ kạṭic̕ jạtkoak̕ pạrsi tãhẽn do̠ muskilgea.
go̠go̠ pạrsi babod ạricali kạmic̕ Siaṅ khumi me̠ne̠da, “Lạṭu umạrren ho̠ṛ jạst o̠lo̠k̕ se̠ paṛhao daṛelenkhan hõ̠ nahak̕ jugren ko̠ṛa kuṛiko noṅka leka bako daṛeak̕. Me̠nkhan khumiko do̠ bururen ạḍi thoṛage menak̕koa.
Kạṭic̕ umạrre pạrsi beohar reak̕ aphsor bae ńamkada menkate pạrsi kạmiṭiren rạiạsi Oṅjae kheaṅ baḍaeocoeda, o̠l ma sạṅginre tãhẽ ocoge ro̠ṛ hõ̠ bae dạreak̕a.
“Nahak̕ aema lekan kạmiak̕ bhar ar aema simạ karonte ar cet̕ reak̕ o̠kte̠ge baṅ hoyok̕kana. Baha e̠m lạgit̕ soṅgete ac̕ren bạhu ar gidrạ hõ̠ko he̠c̕akana.
Pạrsi kạmiṭiren rạiạsi hoe kate cedak̕ pạrsi cet̕ reak̕ aphsor baṅ hoeakana, noa reak̕ ro̠ṛ ruạr e̠me̠da, “Kheaṅ haro̠p jạsti din laha baṅ tearakana. Pạrhao renak̕ bebosta hõ̠ baṅ hoeakana. Ac̕ baṅ baḍae lenkhan hõ̠ tayo̠m daram piṛhiren ho̠ṛkoak̕ katha uihạrkate pạrsi ar haro̠p̕ cet̕ reak̕ bebo̠sta hoyok̕a.
Haro̠p̕ sikhạnt hatao cak jạtren kaạṅko ạricạli prathisṭhanren maraṅ ạk̕yuric̕ oṅjaṅ we me̠ne̠da, o̠l daṛeak̕a. Thoṛa paṛhao hõ̠ daṛéak̕a. Me̠nkhan pạrsi beohar se̠ larcaṛ onka bạnuk̕a.
Cak haro̠p joṛao tayo̠m haro̠p cet̕ reak̕ bebosta hoelena. Nãwã piṛhiren ho̠ṛ haro̠p̕ cet̕ renak̕ ạidạri kho̠n hameṭ ocokana.
Bandorban sarkari kolejren hisạb biggan bivagren Mastersre paṛhaoakan ko̠ṛa thoṛaekejae cak me̠ne̠da, “Laha o̠l ar paṛhao hõ̠ń daṛekoak̕a. Me̠nkhan beohar reak̕ obhabte hinrińeda.”
Tripura kollan saṅsadren sadharon sampadok susanta kumar tripura baḍae ocok̕kana, Roman haro̠pte tripurakoak̕ kokborok haro̠p̕ menak̕a. Nahak̕ apnarak̕ haro̠p̕te o̠l renak̕ kạmi calak̕kana.
Tripurako modre ado̠m ho̠ṛ o̠l ar paṛhaok̕ko baḍaelenkhan hõ̠ jạstige o̠l ar paṛhao bako baḍaea mente unie baḍae ocokana.

Souce: Bdnews24

Leave A Reply

Your email address will not be published.