Santali Pạrsi ar Somaj Jagowar babod gapalmarao Sabha hoyena

0

Teheń Tanore Chatra Saṅghṭhan kho̠n mit̕ gapalmarao sabha Munḍumala Pourạsabha reak̕ Adibasi Community, Cinashore hoyena. Noa gapalmaro bạisi reak̕ guher aṛaṅ katha tãhẽlena Santali Pạrsi Sikhnạt ar Beohar se̠ laṛcaṛ reak̕ jạruṛte̠t̕ ar Somaj reak̕ aema lekan eṭkeṭõ̠ṛẽ̠ kho̠n juạn somaj lahae reak̕ ḍahar ce̠t̕ hoe daṛeak̕a. Niạ sabhare se̠le̠t̕akan sanam juạn ko̠ṛa kụriko akoak̕ daman kathako lại so̠do̠rkeda. Sanam juạnkogeko mit̕ mo̠takana Santali Pạrsi rạkhi jogao lạgit̕ juạnkoak̕ ạḍi aema dạyik menak̕a, aboak̕ ro̠ṛ ar o̠lte Santali Pạrsi lahae jạruṛa. Niạ chaḍa hõ̠ somaj reak̕ aema lekan eṭkẽ̠ṭõ̠ṛẽ̠ babod gapalmaro hoeyena. Kạṭic̕ umạrre bapla, hạṇḍi pạurạ omaj kho̠n bond lạgit̕ juạnko ce̠t̕ko ceka daṛeak̕a. Gharõ̠ńj modre cehao tear, bhage so̠lha, Go̠go̠ Baba ar juạnko são bạisi duṛup̕ ar bhạlại gapalmarao somaj kho̠n aema eṭkẽ̠ṭoṛẽ̠ bại bạitey cabaea. Santal Somajre ko̠ṛa kuṛiko o̠lo̠k̕ paṛhao babod jagowar se̠ lahae lạgit̕ taṛam lahaoakan juạnkoak̕ bhage solha ar aema lekan gõ̠ṛõ̠ gopoṛote tayo̠mren gidrạko laha reak̕ ḍahar uduk̕ se̠ daṛei e̠m daṛeakoa. Ar noa gapalmaro bạisire hạjir tãhẽlenako Tanore Santal Chatra Saṅghṭhanren sabha mukhiạ Andrias Murmu, São sabha mukhiạ Sojib kisk, Sadharon Sampadok Sumon Hembrom, Porcar Sompadok John Poul Soren são aema manaotan peṛa ar o̠lo̠k̕ pạrhao juạn ko̠ṛa kuṛiko .

Leave A Reply

Your email address will not be published.