Kapuram Hãsdak̕ak̕ Islamik Universiṭire Paṛhao Reak̕ kukmu do̠ purạuena

Kapuram Hãsdak̕ Rahul re̠ṅge̠c̕ ghãrõ̠ńjren mit̕ ṭalenṭ santali ko̠ṛa kanae. Dosra cetan sikhạna (Higher Secondar) paṛhao tayo̠m universiṭi paṛhao reak̕ as ar kukum tahẽlentaea. Mekhan jo̠s reak̕ kosṭo ar ghãrõ̠ńj reak̕ re̠nge̠̕ iạte dosra cetan sikhạna paṛhao mucạt̕ katege Gajipur nagraha kạuḍi arjaoe calaoena. Hudisledae jãhãlekate kạuḍi arjao kate ghãrõ̠ńj mõ̠ńjte calao lạgit̕. Gajipur nagrahare calao kate uni mit̕ Kicric̕ kompany (Garment Factory) kạmirey joraoena. Judi hõ̠ ac̕ak̕ Mo̠nre paṛhao reak̕ rikiṛ sana do̠ jive̠t̕ tahẽlengea. Kạmi são são uni paṛhao renak̕ aphsor hõ̠e sendreat̕ tãhẽna. Mit̕ o̠kte̠ Kusṭia nagrha reak̕ Islamik universiṭire paṛhao lạgit̕e ardaskeda. Biḍạu o̠kte̠ hec̕lenkhan kạuḍi reak̕ ṭana ṭạnite mẽ̠t̕re ńutgey ạikạukeda. Jãhãn upại bae ńamle̠t̕te uni do̠ Social aṛe (site) Facebookre aema ho̠ṛ ṭhe̠n gõ̠ṛõ̠e se̠ndrakeda ar mucạt̕re Santal Vision For Education ńutuman mit̕ somaj susạṛiạ do̠l (organization) ho̠te̠te̠ gõ̠ṛõ̠e ńamkeda. Okoe do̠ Cetan dahar sikhạuna hamet̕ lạgit̕ re̠ṅge̠c̕ nacar santal ko̠ṛa kuṛi gõ̠ṛõ̠  lạgit̕e kạmiea.
Ar calaoen 25 Januari Islamik Universiṭi biḍạu reak̕ jo so̠do̠rena. Ar kapuram “Small/ Ethnic Minority” koṭare Development Studies bis̠oete paṛhao lạgit̕ bachaoakana. Noa kho̠bo̠r ańjomte ạḍi rạskại bujhạukeda. Me̠nkhan kạuḍi reak̕ o̠kulạn (Lack) karonte calao lahare ḍahar ńutge ńelkeda. Ar uniak̕ ḍaharre marsal lekako upelena Santal Vison For Education ar Kukmu Ḍinḍạ somaj susạriạ do̠l (organzation) são bhage mo̠nsubạanko. Onkoak̕ kurmuṭute nagad 13,000 ṭaka (Kạuḍi) uni ko̠ṛa gõ̠ṛõ̠ hisạbteko e̠mdea.
Ar sạri ge uni 28 januari tạrik Islamik Universiṭirey bhurtiena. Ar gõ̠ṛõ̠ lạgit̕ uni Santal Vison For Education ar Kukmu Ḍinḍạren sanam rạisi ar mukhiạko gun manao saṛhaoe e̠mket̕koa. Ar ona são binti hõ̠e kho̠jkeda e̠nte̠ mõ̠jte cetan sikhạunae hameṭ̕ daṛeak̕.

Leave A Reply