Santali Banḍ Se̠nge̠l Reak̕ Nãwã Viḍeo Sereń so̠do̠rena

Baṅladisạm reak̕ namḍak santali banḍ do̠l te̠he̠ń akoak̕ Youtube muṭhạn Chanel ho̠te̠te̠ nãwã video sereń so̠do̠rkedako. Sereń reak̕ ńutum do̠ “Sạjni”. Noa sereń do̠ ato disạm ren mit̕ kuṛi cekatec̕ haraburu kanae ar cekatec̕ sajao sapṛaok̕ kanae ona kạhni cetan tege noa sereń tear hoekana. Sereń reak̕ asol cae co̠lo̠n tec̕ Hero hisạbte kạmi kada Misuk Soren ar Heronie hisạbte kạmie kada Elija Biva Ṭuḍu. Noa babod  Misuk soren meneda, “Iń pạhil re Se̠ṅge̠l banḍ saṛhaoiń emaekana aphsor em lạgit̕. Nãwã hisạbte iń sec̕ kho̠n ạḍi jạsti em reanak̕eń kurmuṭạukada, asok̕ kanae ape noa sereń bhạlại gepe ạkạuak̕. Banḍ do̠l ren rạisi samson hãsdak̕ menedae, “Sereń re ato disạm reak̕ likhon goṛhon ar lilibici chạbi phuṭau rakap̕ hoeakana.  Niạ video re sanam kạmic̕ko nãwã hisạbte bhạlạiko kurmuṭạukada. Banḍ do̠l ren sereńic̕ ar keyboarḍ bajaoic̕ Manuel Sorene meneda, Noa sereń shooting o̠kte̠ aema lekan eṭkeṭõ̠ṛẽ̠ ar jhãp modrele tahẽlena. Nij (special) katec̕le saṛhaoet̕ kanae Pirgańj ar ona ilạkare parganako okoe noa lạgit̕ ạḍi bhage go̠ṛo̠eko emlet̕lea.

Noa nãã sereń uchnạo re hạjir tahẽlenae Se̠ṅge̠l banḍren sabhamukhiạ John Hembrom, ar sereńic̕ Ranjit Kisku. Ona chaḍa Hul Banḍ ren ạkyuric̕ Simon Mardy, ona banḍ do̠l ren Guiṭar bajaoic̕ Agusṭine Murmu são arhõ̠ ạrlcạli do̠l kạmic̕ko.

 

Se̠ṅge̠l Banḍ reak̕ nãwã video sereń reak̕ link ḌAHAR; https://youtu.be/iSZzstcXwW8

Leave A Reply