Hạ̃ṛũ ar Barea Pusi

0

Mit̕ din kathae barea pusi mit̕ṭe̠n pithạkin ńamkeda. Mit̕ṭe̠n do̠e menkeda, “Iń geco̠ pạhil mań ńe̠l ńamakat”. Dosaric̕ pusi d̠oe menkeda, “Iń do̠ń halaṅ maraṅketa, ona iạte iń geń ńama”. Ona piṭha lạgit̕ ạḍi ãṭkin re̠ṭe̠pe̠ṭe̠ kan tahẽkana. Ona takre mit̕ṭen hạ̃ṛũ do̠ o̠nḍe̠ se̠ne̠na. Unkin pusi do̠ uni hạ̃ṛũkin metadea, jemone bicạrkatakin.

Ado̠, unkin pusi do̠ apan ạpinak̕ katha hạ̃ṛũkin lạiadea, Noa piṭhạ reak̕ soman soman ho̠k menak̕takinạ. E̠nte̠ mit̕ṭen doe ńel ńamket̕a, onate mit̕ somanteń hạṭińabena. Do jãhã sec̕ kho̠n tulạ aguiben.” Unkin pusi do̠ hare pharekin ńir se̠ne̠na, ar mit̕ṭe̠c̕ tulạkin ạguadea.

Uni hãṛũ do̠ ona piṭhạ bareae ke̠cak̕ke̠t̕a, ar mit̕ ke̠ca do̠ mit̕ se̠c̕ ar do̠sar ke̠cak̕ do̠ dosar se̠c̕e do̠ho̠keda. Tul aṭkarteye ńe̠lke̠t̕ do̠ mit̕ se̠c̕ ma kạṭic̕ culuṅ hamalen. Uni hãṛũ do̠ somano̠k̕ lạgit̕ ona hamalak̕ ke̠cak̕ kạṭic̕ lạgit̕ kạṭić culuṅe ge̠r kuṭrạke̠t̕a ar ona kuṭrạ do̠e jo̠m go̠t̕keda.

Nitok̕ ma dosar ke̠cak̕ hamalen.  Ado, ona ke̠cak̕ reak̕ kạṭic̕ culuṅe ge̠r kuṭrạkeda, ar ona kuṭrạ ho̠e jo̠m got̕kada.

Nit̕ pạhilak̕ ar hõ̠ hamalena. Ona iạte pạhilak̕ kho̠n ar hõ̠ kạṭic̕ culuṅe ge̠r kuṭrạkeda; ar ona kuṭrạ do̠e jo̠m go̠t̕kada.

Piṭhạ do̠ ạḍi ãṭ ho̠po̠n ho̠po̠nena. Onate unkin pusi do̠ hạ̃ṛũkin metadea, “Daya kate ona sare̠c̕ ke̠cak̕ do̠ e̠m ruạṛlińme. Ạlińtegeliń hạṭińjoṅa.

Hạ̃ṛũ do̠e mengo̠t̕keda, “Hẽ̠! e̠mmań e̠m ruạṛ katabenge, menkhan nunạk̕ gạric̕ben khaṭaokedińa; ona reak̕ hõ̠ thoṛa do̠ń ńamgea! Onkae menket̕ torage ona sare̠c̕ak̕ ke̠cak̕ hõ̠ lạkum go̠t̕kada.

Unkin pusi do̠ hạ̃ṛũak̕ moca me̠re̠l me̠re̠lkin be̠ṅge̠t̕akawat̕ tahẽkantaea. Ado̠, ạḍi bhabnate oṇḍe kho̠nkin se̠ne̠na.

Sikhnạt: Apnar modre re̠pe̠ce̕ lenkhan ona renak̕ lab judạ ho̠ṛ idiak̕

Leave A Reply

Your email address will not be published.