2019 Serma 1413 Goṭen Maejiuak̕ Hoṛmo Benmanot Hoeakana; Menedae Ạn ar Salis kendra

0

Phoṭo: Internet

Aema jaega kore adom ho̠ṛko do̠ apnar ho̠ṛmo reak̕ sana marao lạgit̕ kuṛi se maejiu sãote jo̠bo̠s jạsti hoṛmo teak̕ so̠mbo̠ndko joraoet̕ kana. Ạṅgrejiti ona do̠ “Rape” ko metak̕ kana. Baṅladisạm re noa gho̠ṭo̠na ḍher ńelok̕kana oka Jermen media ar disạm reak̕ ạn ar salisi kendra ho̠te̠te̠ baḍaeok̕ kana.

Disạm ren pradhamuntri mit̕ maejiu, Saṅsad ren ro̠ṛ ro̠po̠ṛic̕ ar birud do̠l ren mukhiạ maejiu kanae, menkhan disạm re 2019 serma maejiukoak̕ hoṛmo bemanot̕ se bạric̕ reak̕ kạmi lekha (Statics) lekate goṭa dhạrti kho̠nak̕ jạsti gea.

Manobadhikar saṅstha (Human Rights Organization) ạn salis kendrak̕ (Asok) hisạb lekate, 2019 serma re 1413 goṭen maejiukoak̕ hoṛmo são jobor jạsti kate so̠mbo̠nd hoeakana. 2018 serma oka no̠mbo̠r tahẽlena 732. Laha serma kho̠nak̕ maejiukoak̕ hoṛmo bemanot reak̕ kạmi ạḍi saṅgiakana, okata ạḍi bo̠to̠ran lekan noae meneda ona saṅstha.

2017 serma 818 goṭen maejiuak̕ hoṛmo são bạric̕ kạmi hoelena. Note 2019 serma  maejiukoak̕ hoṛmo bemanot̕ tayo̠m 76 goṭen maejiuko khũnkakoa. Ar apnarak̕ jive̠t̕ jo̠bo̠rjos katec̕ alae kada 10 goṭen maejiu.

Maejiuko cetan saset reak̕ judạ chạbi hõ̠ ạḍi bo̠to̠an leka. 2019 serma re sexual harassment (Birạj) re sikạr kanako 298 goṭen maejiu. 2018 serma oka no̠mbo̠r tahẽlena 170 goṭen.

2019 serma sexual harassment (Birạj) re sikạr iạte 18 goṭen maejiu apnarak̕ jive̠t̕ jo̠bo̠rjos katec̕ko alae keda. Noa birudre katha ro̠ṛ lạgit̕ po̠n gọten maejiu são 17 goṭen maejiu goc̕ lagaokat̕koa. Ar sexual harassment (Birạj) birudre katha ro̠ṛ lạgit̕ 44 goṭen babaho̠ṛ saset reko paraoakana. Laha serma riso̠d (Bribe) kaṛonte saset kanako 167 goṭen maejiu. Onko modre ko̠clo̠n ho̠te̠teko goc̕akana 96 goṭen maejiu ar apanarak̕ jive̠t̕ jo̠bo̠rjo̠s katec̕ko alaekada 3 maejiu. Ar gharońj renak̕ saset̕ renak̕ko sikạr kana 423 goṭen maejiu. Laha serma 200 goṭen maejiu akoren jãwãe ho̠te̠teko goc̕coakana. 2018 serma oka no̠mbo̠r tahẽlena 173 goṭen. Noa barhe Acid capat̕, Turuk̕ dekoak̕ Dho̠ro̠m fatowa Bicạr salisi bebosta reak̕ko sikạr kana. Laha serma pea maejiu Dho̠ro̠m fatowa kaṛonte sasetcoakana. Noko modre tayo̠mte mit̕ maejiu jo̠bo̠rjo̠s katec̕ acak̕ jive̠t̕ alae keda. Ạn ar Salisi kendra ren mare maraṅ akyuric̕ ar Manobadhikar mukhiạ Sultana kamal maejiuko cetan harkhet saset jạsti reak̕ kaṛon hisạbte Baṅ bicạr ńamge as̠ol dạhi. Menkhan disạm ar so̠maj re maejiuko cetan harkhet saset jạsti renak̕ arhõ̠ aema kaṛon menak̕ ona unie hudiseda.

Unie meneda, “Maejiu cetan onkoak̕ hoṛmo jo̠bo̠rjo̠s katec̕ bemanot são saset ko aema ghoṭona ge baṅ baḍaeok̕a. Noa babod jahan mamla baṅ hoyok̕a. Ar okakoreak̕ mamla hoyok̕ bises katec̕ maejiukoak̕ hoṛmo bemanot babod, ona mamla reak̕ mucạt hạbic̕ sotokora 3 bhag dusi ho̠ṛ sạjạiko ńamak̕. Ar maejiukoak̕ hoṛmo bemanot katec khũn tayo̠m sạjai hoyok̕a 0.3 bhag. Tahole bujhaok̕ kana noa gho̠ṭo̠na tayo̠m jahan bicạr ge baṅ hoyok̕ kana.  Noa barhe hõ̠ aema bisoe menak̕a mente unie hudiseda.

Nue Manbadhikar mukhiạe meneda, “Jahae baba ho̠ṛ (Rapist) maejiukoak̕ hoṛmoe bemanote, uni do̠ maejiu kho̠nak̕ ḍher dạrean ho̠ṛ kanae.  Judạ bạgi katec̕ hoṛmo se leakte mit̕ baba ho̠ṛ doe daṛean geae. Ona chaḍa onko do̠ samajik, rajạri se lekate hõ̠ daṛean geako. Maejiuko samajik lekate hebajo̠t lạgit̕ sarkarak̕ daiyk̕ menak̕a. Ar maejiukoak̕ barhe calao ar kạmire jorao se calao somaj nit̕ hõ̠ bhage mẽt̕te bako ńelak̕. Maejiukoak̕ barhe uduk̕ baba ho̠ṛkoak̕ daṛe mucạt hisạb teko ńelak̕. Ar dinam din aema jaega re maejiu birud katha ro̠ṛok̕ kana menkhan sarkar jahan bebosta ge bae hataoak̕. Ona iạte maejiu cetan harkhet saset ar ko̠c̠lon bai bai te jạsti calak̕ kana.

Source: ḌW (Ḍoece bhele, Jerman Media)  

 

Leave A Reply

Your email address will not be published.