Pạhil dhao leka Santali magajine SANDES Uchnạukedae Sasu ḍạr Rajshahi

0

 

Jahan saṅgṭhanak̕ ac̕ak̕ muṭhạn aṛaṅ tahẽna. Okare ona saṅgṭhan reak̕ muṭhạn o̠no̠l dhara te so̠do̠rak̕. Ona caḍa hõ̠ saṅghṭan reak̕ aema lekan kạmiko ar onaren celakoak̕ hudis katha o̠no̠l lekate chapa so̠do̠rak̕. Ar noa uihạr disạ kate Sasu (Santal Students Union) ḍạr Rajshahi ạḍi aema din kho̠n magajine uḍuk̕ lạgit̕ec̕ kurmuṭuae kan tahẽna. Santal Studnets Union (SASU) central kumiṭi kho̠n jão 26 serma khoe “SANDES” magajine chapa so̠do̠rok̕ kana. Menkhan sasu Rajshahi ḍạr kho̠n do̠ jahan magajine baṅ so̠do̠rok̕ kan tahẽna, menkhan Sasu ḍạr rajshahire mukhiạko do̠ Rajshahi kho̠n SANDES magajine uḍuk̕ lạgit̕ kurmuṭukeda. Cedak̕ je Rajshai Nagraha do̠ o̠lo̠k̕ paṛhao reak̕ nagraha kana. Okare Baṅladisạmak̕ aema jaega kho̠n o̠lo̠k̕ paṛhao lạgit̕ santal ko̠ṛa-kuṛiko sohor se̠ṭe̠roak̕. Sasu ḍạr rajshahi noko o̠lo̠k̕ paṛhao gidrạko jumid lạgit̕ec̕ kạmieda ar onkoak̕ onotor reak̕ hudis katha, santali legcar-ạricạli, santal somajak̕ aema lekan eṭkeṭõ̠ṛẽ̠, Santal somajak̕ lahanti upại, golpo-kahni, gam-kudum noṅkana aema lekan bisoete o̠lko noa magajinere chapa so̠do̠rakana. Sasu hudiseda noa magajine ho̠te̠te̠ nãwã juạn o̠no̠liạ sendra ńamok̕a, okoe akoak̕ bud ạkil reak̕ marsal o̠l lekateko pasnao daṛeak̕. Niọ magajine ho̠te̠te̠ jemon juạnko somaj reak̕ bogi bạṛic̕, lahanti ar somaj susạr lạgit̕ nãwã upạiko ńam dạreak̕. Sanam kukmu reak̕ hudis sasu ḍạr Rajshahi SANDES magajine so̠do̠r katec̕ purạukeda. Teheń Sandes Magajine Sasu ḍạe kho̠n uchnạuena. Oka uchnạu po̠ro̠b re hạjir tahẽlenae Sasu Maraṅ Nagraha Ḍạr Rajshahi ren mare General secretary ar sasuren so̠lho̠ emoic̕ manotan Sumon Marḍy, Nahak̕ sasu ren artho sompadok Anas Marḍy,Sasu ghorghat upjilạren maraṅ mukhiạ Bijoy murmu, Santali Language Implementiton Voulenteers ren convenor Edward Murmu são sasu ḍạr rajshahi manotan celako.

Leave A Reply