Usrạu go̠go̠ hisạbte Bego̠m rokea 2019 Mạn e ńamkeda Bina hãsdak̕

 

France disạm ren Nelpolian bonapart ̣mit̕ṭen kathae lạileda, “Iń mit̕ṭen pạṛhuạ go̠go̠ emạńpe, iń mit̕ṭen pạṛhuạ jạteń empea”. Pạṛhuạ go̠go̠ak̕ somaj re tinạk̕ jạruṛa nia kathatebon hudis daṛeak̕a. Teheń Rajshshi Divisional Ethnic Minority’s Academy ho̠te̠te̠ sapṛaoakan rokea diwas 2019 disạete ạdiwasi maejiuko mạn em, gapalmarao ar ạricạli onusṭhan hoeena. Noa onusṭhanre barea adiwasi maejiuko mạnko ńamkeda. Mit̕ do̠ bicitra tirki bolgariạ maejiu hisạbte ar dosar do̠ bina hãsdak̕ usrạu go̠go̠ hisạbte.

Bina hãsdak̕ do̠ gaibandha jilạ reak̕ gobindo upojilạre menak̕ adompur atore janamlena. Gharońj renak̕ re̠nge̠c̕ iạte jạsti kilạs hạbic̕ bae paṛhao daṛelena. 9 kilạs paṛhao jokhec̕ uniak̕ bapla hoelena chapainawabgańj reak̕ amnura mission atore. Uniak̕ monre paṛhao reak̕ aema sana tahẽlena, menkhan ac̕ak̕ mon birudre gobaba bapla iạte o̠nto̠re ạḍi duk janamena. Jawae oṛak̕ reak̕ go̠ṛo̠ ar ac̕ak̕ kurmuṭute SSC biḍạu passleda. Gharońj renak̕ sanam lekan eṭkeṭõ̠ṛẽ̠ tehen tuluc̕ hõ̠ ac̕ren sanam gidrạko o̠lo̠k̕ paṛhao cet̕kate lahaket̕ koa. Oka do̠ mit̕ go̠go̠ lạgit̕ ạḍi muhimgea. Uni do̠ kicric̕ rok̕, ar aema lekan NGO re kạmi katec̕ ac̕ren gidrạ lạgit̕ kạuḍi arjao kate paṛhaocoket̕ koa.

Uni ren pea ko̠ṛa menakoa. Sanam ge University kho̠nko pass kada. lạtu ko̠ṛa jems hembrom world vissionre kạmieda, tala ko̠ṛa jonathon hembrom do̠ TWR NGO re kạmieda, ar kạṭic̕ ko̠ṛado̠ John hembrom do̠ nukrie sendreaeda ar sãote santali banḍ se̠ṅge̠l tuluc̕ joprao menaea ar se̠ṅge̠l banḍren mukhiạhõ̠ kanae. Noa santali band se̠ṅge̠l ho̠te̠te̠ santali ạricạli lahae lạgit̕e kurmuṭueda.

Noa onusṭhan re maraṅ perae tahẽkana janab Ḍr: Md Abdul Manan, bivagio komisonar, rajshahi division, Kulcaral akḍemi ren mukhiạ Ḍr: Chitralekha najnin são kucaral akḍemi sodosoko. Ar noko banar adiwasi maejiu maraṅ pera ṭhenkho̠n mạnkin ataṅkeda.

Leave A Reply