SILEṬ JILẠ RE̠ BSBSCJKP ḌẠR KOMIṬI BE̠NAO HOYENA

0

Calaoen 24/11/2019 tạrik aṭhowar hilạk̕ se̠tak̕ 10 taṛaṅ o̠kte̠ kho̠n ạyup̕ 3 taṛaṅ o̠kte̠ hạbic̕ silẹt ̣jilạ reak̕ gowainghaṭ upojilạ Jo̠ṅgla santalak̕ oṛak̕ re̠ mit̕ galmarao so̠bha BSBSCJKP banadhao hote̠te̠ saprao hoele̠na. Ona so̠bhare̠ silẹṭ jilạ reak̕ jo̠to̠ upojilạko re̠n santalko niạte̠ ““BRIHO̠TTO̠R SILEṬ BIBHAGIYO̠ SANTAL CHATRO̠ O JUBO̠ KO̠LLAN PO̠RSIO̠D (BSBSCJKP)” banadhao reak̕ sileṭ jilạ ḍạr komiṭi be̠nao hoyena. Ona so̠bha re̠ mukhia le̠kate̠i tahẽ̠kana Mano̠tan Shri Sopon Murmu, maraṅ pe̠ṛa le̠kate̠i tahẽ̠kana Sri Sujon Murmu,bises pe̠ṛa le̠kate̠i se̠ṭe̠re̠ tahẽ̠kana Sri  Sadhon Kisku ar Bikas Ṭuḍu. Ona so̠bha re̠ johar kathae do̠ho̠le̠da ““BRIHO̠TTO̠R SILEṬ BIBHAGIYO̠ SANTAL CHATRO̠ O JUBO̠ KO̠LLAN PO̠RSIO̠D (BSBSCJKP)” re̠n mukhiạ Dulal Hasda . Uni do̠ ac̕ak̕ baktan re̠ye̠ me̠nle̠da, “Sileṭ jilạ reak̕ lạṭu e̠ṭke̠ṭõ̠ṛẽ̠   santali pạrsi, shikhạuna, So̠nto̠rte̠t̕ noako be̠parre̠ abo do̠ jạruṛte̠ mo̠njog e̠mo̠k̕ lagaoabona. Ona lạgit̕te̠ “PUTHI O̠ṚAK̕” be̠nao ar Sileṭ bibhag reak̕ RO̠Ṅ so̠bhare̠ “PUTHI MELA”  sapṛao hoyok̕a. Oṇḍe̠ do̠ santali reak̕ sanam le̠kan puthi tahẽ̠na. Oṇḍe̠ do̠ puthi jogaṛ kate pạrsi sikhnạt hõ̠ bon hatao daṛeak̕a. Ona be̠go̠r hõ̠ puthi oṛak̕re̠ santali nagam, ạricạli, paltuṛ babo̠t gapalmarao ho̠yo̠k̕a. Onate̠ sanamkoak̕ kurmuṭute̠ je̠mo̠n  aboak̕ pạṭhuạ banadhao mo̠ńjte̠bon be̠nao rakap̕ daṛeak̕- noa ãs kathae so̠do̠rke̠da.

Niạ caḍa hõ̠ sileṭ jilạ reak̕ nanan phạrkạn ca bagwan kho̠n  so̠ho̠r se̠ṭe̠r akan Krisạn Santal (utạr pro̠tap pur), Liṭon Santal (Gulni), Gobin Mạrḍi (Teliapaṛa), Sunil Mạrḍi (SikṛiBosti) arhõ̠ aema ho̠ṛko –  “maejiu ko̠clo̠n, maejiu daṛe tear, dạyik babo̠t e̠bhe̠n, somaj kho̠n hạndi nisạ ocok̕ giḍi, andha pạtiạu, kạṭic umạr re bapla, pạrsi sikhnạt babo̠t e̠bhe̠n, shikhạuna ce̠haona”- babo̠t kathako gapalamaroke̠da. Noa gapalmaro mucạt̕ re̠ Silẹṭ jilạrẹ lạgit̕ nãwã kumiṭiko  bachao ocoye̠na President:Sree Srabon hembrom (Japhlo̠ṅ ca bagwan); General Secretary: Biren hembrom (Japhlo̠ṅ ca bagwan);  Secretary of organization: Rubel hembrom (Utar pro̠tapur); Ona caḍa hõ̠ noa sabha re se̠ṭe̠rko tahẽ̠le̠na Jo̠ṅla Mạńjhi (Japhlo̠ṅ ca bagwan), Do̠yal Santal, Bhuṭu Santal, Budhu Santal. Niạ caḍa hõ̠ aema upojilạ kho̠n santal ho̠po̠nko se̠ṭe̠rko tahẽ̠kana. Noa so̠bha cacalao re̠ye̠ tahẽ̠kana Sri Dipo̠ṅko̠r Hembrom (Telia paṛa ca bagwan).

 

Leave A Reply