Juạnko bạṛijok̕ reak̕ karo̠n

Aema juạnko do̠ bạric̕ sap̕etkan reak̕ aema karonko reak̕ asol karon kana gharońj reak̕ obosta. Kạṭic̕ gidrạ lạgit̕ do̠ gharonh́j kangea sanam kho̠n pạhil utạrak̕ iskul do̠ okare gidrạ do̠ go̠go̠ ṭhen kho̠n bahge sikạunako ńam daṛaek̕a. Ar kạṭic̕ gidrạ do̠ kạṭic̕re oka sikhạunako ńama ona do̠ lạṭuk̕ hạbic̕ko disạ doho daṛeak̕ ar ona lekage calak̕ reak̕ko kurmuṭuia. Juạnko baric̕ ḍaharko sapet̕ reak̕ thora karon do̠ latarre o̠lakana.

Go-Baba talare kusi rạska

-Go-baba talare sapha-saphi baṅ galmaraote ạkin talare bebuj reak̕ katha rakabo̕ka. Ar gidrạ hõ̠ onkan umul rekin paṛaok̕a.
-Go-Baba talre kusi-rạskạ baṅ tahẽn khan ar ạkin talare jhogra-jhạti hoyok̕ rangao (Tension) janamakina.
-Go-baba talare jhogra-jhạṭi tahẽn khan gidrạ do̠ jahãn salha se sikhạuna do̠ bakin em daṛeawaea.
-Oka somoe go se baba do̠ mit̕ eṭagic̕ upạrte badla hataore gidrạkin beoharea. Ar ạkinak̕ rangao hõ̠ gidrạ cetan rekin jhaṛao goda.

Gidrạ lạgit̕ go-babawak̕ somoe

-Go-Baba do̠ gidrạ lạgit̕ sanam jạrurạkin emok̕a menkhan gidrạwak̕ jingi laha idi lạgit̕ do̠ unak̕ bạkin hudisok̕a. Uni sãote ar uni lạgit̕ jạsti somoe do̠ bạkin em dạreak̕ã. Cedak̕je ạkin do̠ o̠ṛak̕ se barhe reak̕ kạmire dinman besto menak̕ kina.

Gidrạ lạgit̕ go-babawak̕ beohar

Go se babawak̕ beohar mońj baṅ tahẽn khan gidrạ hõ̠ onka geko hara-buruk̕a. Baba judie kombṛoge khan gidrạ hõ̠ baba lekageye hudisa ar onkan kạmi hõye ceda. Gidrạ do̠ jạsti beohar go-baba ṭhen kho̠nko cet̕et̕ kana.
-Go-baba do̠ gidrạ lạgit̕ bhage nạmuna bako uduk̕et̕ kana. Gidrạ samaṅre ńu bulok̕ ar onko samaṅre jhograk̕ do̠ gidrạ lạgit̕ bạṛic̕ sandes se̠te̠rok̕ kana.

Noṅkate juạnko do̠ kạṭic̕re cet̕ko ceda onkageo beohara. Menkhan juạnko do̠ tinreko harak̕ kana unre akoak̕ hor bachao reak̕ hudis dare onkore tahẽn kana. Juạn o̠kte do̠ ạḍi damanak̕ o̠kte kana cedak̕ je un o̠kte ge juạnko do̠ bhage ḍahar hõ̠ko sap daṛeak̕ ar bạric̕ ḍahar hõ̠ko sap̕ daṛeak̕a. Ar noa do̠ bachao do̠ akore kana. cet̕ leka akoak̕ hudis do̠ benao rakap̕ akana onkage akoak̕ hor hõ̠ko bachaoa. Go-baba do̠ juạn o̠ktere salha emako jạrura cedak̕je juạnkoak̕ jingi benaore go-babawak̕ hõ̠ ạḍi maraṅ ti menak̕a. Gidrạ judi daka-utu jom ar taram lạgit̕ cet̕ akawade khan, bhage horte taram lạgit̕ hõ̠ sikhạuna emaeme. Bhage gidrạ benaok̕ lạgit̕ hõ̠ uskur emok̕ jạruṛa.

Mimit̕ ho̠ṛ do̠ apnar dayik̕ ńel orom jạruạ ar Iń okań cekawakada ona kạmi reak̕ jo judi mońjte bae hoelen khan iń do̠ eṭak̕ ho̠ṛ do̠ aloń bicạr dusi koma cedak̕ je iń do̠ ińte goṭa ar bachao kateń kạmikada. Mit̕ṭen ạkilan ho̠ṛ do̠ menkada je am do̠ amren gidrạ oka leka hoyok̕ menjoṅ kana onkage sikhạuem. Am cet̕ lekam sikhạuet̕ koa onakage gidrạ do̠ piṛhike-piṛhiko sikhạu idi koa. Adom ho̠ṛko hudisa je jãhãe gidrạ ạḍi bduduimane tahẽn khan uni doe mońj gidrạ kana. Onka katha do̠ pasec̕ baṅ kana. Okoetak̕ girdạ bhage beohar menak̕ taea unige bhage gidrạ doe menogok̕a.

 

Photo hatao: santal disom facebook page khoe

Leave A Reply