Pạrsi

0


Jisui janamok̕ (BC-before crist) 1750 bochor lahare arya jạt koak̕ pạrsi do̠ bharot disạmte ãrgo hec̕ lena. Ithihãs pạnḍit koak̕ menlekate arya jạt do̠ asia disạm reak̕ tala-mala ar Rus disạm reak̕ ḍakhin totha, metak̕me, steppji ńutumanak̕ jaega koreko tahẽkana. Onko do̠ aema bhiḍi koko asulet̕ko kan tãhena ar ona khonge arajo kateko asulok̕kan tãhekana. Onkoren gok̕roko do̠ sadom ar setako tãhena. Tinre aryạko d̠o sindh ilạkako boloena unre onko do̠ drabir jạtren ho̠ṛko do̠ lagaket̕koa ar onkoko koboj ket̕ko khan hoṛoppa ar Mohenjodorko naso keda. Onḍenko sanam drabir jạtren ho̠ṛko akoak̕ koboj reko dohoket̕ koa ar akoren gulạmko benaoket̕ koa. Aema ho̠ṛko do̠ bir-buru sec̕ko dạṛ kate gulạm reak̕ sikir khonko bańcaoena. Arya jạt do̠ onḍeko tahẽkan ạdibạsiko sãote cet̕ lekako beohar leda ona baobotte Rama Prasad Chandra do̠ ạḍi mõńjte ac̕ak̕ onol reye chapa so̠do̠r akada.Bharot reak̕ itihãsre ạḍi botoranak̕ ghotona hoelena. Ona parhao katem baḍae lenkan do̠ monere ạḍi duk ar bhabnam ạikạua. Noa botoranak̕ ghoṭna reak̕ kathako baḍae lạgit̕ aema onoliạko kurmutu leda. Onkoak̕ menlekate Sindh reak̕ sobhiata do̠ drabir koak̕ do̠ baṅ tahẽkana bickom Arya jạt koak̕ge tahẽkana. Noa reak̕ sạbud emok̕ lạgit̕ S.M Ranjan ar Dr.Natwar jha okoe do̠ nit amerikan disạmre menae dokin menet̕ kana je hoṛoppa ńamakan “Seal” mohorre do̠ sadomak̕ chap menak̕a okare okare e̠ke̠n Arya jạtge sadom doko ạsulet̕kokan tahẽkan. Arkin menkeda je Drabir jạt do̠ tis hõ̠ sadom do̠ bako ạsulet̕kokana. 2000 hajar sal reak̕ 13 okṭoberre Frontier ńutumanak̕ pạtrikare ạkilan Pạnḍetko do̠ noa babotko o̠l leda. Chanbin kateko sendra ńam keda je Rajaram ar Dr.Jha do̠ rạput “Seal” mohorkin ńam-akada okaredo mohor reak̕ chap do̠ dhundlạge pus-ṭạu chapa ge tahẽkana. Kompiuter reak̕ goṛote ḍaṅgra canḍbol do̠ sadomak̕ canḍbolkin benao keda ar bo̠hok̕ redo barea lạṭu luṭurkin lagao oco keda ar sadom bo̠ho̠k̕ lekakin ńel oco keda. Micheal Wiṭjel, Ste parmer, Asko parpola, Irabhati Mahadebam ńutuman ạklạn ho̠ṛko do̠ Raja ar Dr. Jha Tạkinak̕ eṛe sạbudko lại so̠do̠r keda arko menkeda je sindh sabhyato do̠ aryan jạt koak̕ do̠ tis hõ̠ oho hoe daṛelena.
Sindh Sabhyata do̠ Drabir jạt koak̕ kana. Noa katha do̠ sanam itihãsren pạnḍetko lại so̠do̠r akada ar onare jahãn digdha do̠ bạnuk̕kanan. Hoṛoppa khon tinak̕ itihãs reak̕ jinisko la oḍok̕ akada onako sanam richard mido hote̠te̠ bạigyanik dharate sanamak̕ jãc oco kateye menkeda je jisu janamok̕ 2000 bochor lahare hoṛoppa mit̕ṭen hõ̠ sadom do̠ bako tahẽkana (Asko Parpola, Sakam 196re Arya jạt Irante ar bharot disạmte hijuk̕ reak̕ olakana). Uni do̠ ac̕ack̕ puthire “Arya jạt koak̕ ạri-cali reak̕ sendra puthire Ramsharan doe menkeda je sadom reak̕ sabud hote̠te̠ do̠ okoe hõ̠ ohoko menkea je Sindh Sabhya do̠ arya jạt koak̕ kana. Arya pạrsi teko ro̠ṛet̕kan ho̠ṛko do̠ Rus disạm reak̕ stepji ṭoṭha koreko tahẽkan tahẽkana. Jerman ho̠ṛkoak̕ pạrsi ar sanskrit pạrsire mit̕-bar katha reak̕ milạu menak̕a. Onate Jermaniren ho̠ṛko do̠ sanskrit do̠ bhasa do̠ apnar pạrsi ńõk leka geko aṭkar goda. Jisui Janamok̕ 1500-1500 bochor lahare pasec̕ arya pạrs reak̕ Rigbed do̠ afganistan reak̕ kạbul gaḍa ar Gaṅga gaḍa lalare olakan menteko ro̠ṛ bạraet̕ kana. Muslạko do̠ sanam okte urdu, Arbi sãoteko idi torakeda. Onko jãhã tegeko calaoen onḍege ona pạrsite olakanak̕ Sahiyta reak̕ nạmunako idi tora leda. Jisui janamk̕ 800 bochor Tayo̠m muslạ bepari do̠ pạkistanre menak̕ karachi teko hec̕ lena. Menako je sedaere kathae, Muslạ do̠ ạḍibạsiko Rohtas gạr khonko lagalet̕ koa.
Santal ho̠ponko hõ̠ akoak̕ oporom jogao dohoe lạgit̕ diku sãote ekal tege bako mesal lena. Diku botorte onko do̠ mit̕ jaega khon eṭak̕ jaegate ḍạr tegeko tahẽyena. Ar onkate jãhã regeko calaoen mit̕ṭeko tahẽyena ar ato benao kateko tahẽyena ar noṅkate apanr pạrsi ar ạri-cali jogao doho leda. Menkhan nit do̠ adhunik jug Hoyente santal ho̠po̠n doko hudiskana je dikuak̕ ạri-cali ar horok̕ bandege sorosa ar onko lekage horok̕ -bande ar ro̠ṛ hõ̠ diku pạrsi tege ro̠ṛ lạgit̕ko kurmuṭuia. Porob-porbas kore hõ̠ dikuak̕ e̠ne̠c̕ se̠re̠ńgeko aṛak̕ arko ańjoma ar ona ańjomte e̠ne̠c̕ hõ̠ko e̠ne̠c̕a. Apnar somaj reak̕ itihãs baḍaejoṅ do̠ aḍige jạrur gea ar bankhan apnar oporom dobon ada. Bagan re ul do̠ ul dare khonge ho̠yo̠k̕a ar jojo dare khon do̠ baṅ ho̠yo̠k̕a. Apnar bhasa baric̕ bạgi lenakhan am do̠ bạṛjok̕ gea. Apnar pạrsi ạri-cali bạgi kate, am do̠ dikuak̕ sanamak̕em apnar lenkhan amak̕ oporom do̠ cet̕ hoe daṛekok̕a? Baṅ do̠ dikum lekha baṅ do̠ santalge. Apnar ạri-cali ar pạrsi dohotam amak̕ oporm emok̕ me ar amak̕ pạrsi hara-burui lạgit̕ kurmuṭueme. Diku samaṅ lajaote amak̕ pạrsi dom oko lenkhan, am do̠ amak̕ parsim topakak̕ kana. Diku do̠ am samaṅre amak̕ pạrsi teo bae roṛet kana. Uni do̠ bae lajaok̕kana. Menkhan am do̠ diku se hạt-bajar kore ḍobok̕-Jo̠har lajaok̕a ar apnar pạrsite roṛor hõ̠ lajaok̕a. Am do̠ am tege amak̕ oporom reak̕ jạt reak̕ rehet̕ dom uṭkau chaḍaoet kana ar eṭak̕ darere am tege japagok̕em kurmuṭuet̕ kana. Hudisok̕ kana je dikuteń ro̠ṛ lenkhan ar onko lekań beohar lenkhan ho̠ṛko do̠ ińiń lạṭu ho̠ṛ kanako menteko hudisok̕a.

Leave A Reply

Your email address will not be published.