JUDIM BAḌAEKO KHAN

0


Judim baḍaeko khan,
Santalko ge pạhil utạr,
Disạm lạgit̕ ko lạṛhạile̠na,
Judim orom ko khan,
Oṅkoak̕ge haḍak ḍabak,
Mayãm gaḍa ạtu le̠na.

Judim baḍae ko khan,
Oṅko do̠ o̠rtap̕te̠ko bhagwale̠da,
Judim orom ko khan,
Oṅko do̠ mahajo̠nak̕ buddhi hõ̠,
Bicạr te̠ko bhagaole̠da.

Judim baḍae ko khan,
Santalko do̠ sar kạphiko sap̕le̠da,
Judim orom ko khan,
Oṅko do̠ sạtu sipi jo̠mkate̠,
Disạm tabon ko bańcaole̠da.

Judim baḍae ko khan,
Santal do̠ ko sạdhin sakwa kana,
Judim orom ko khan,
Bir buru dare nạ̃ṛĩ do̠ oṅkoak̕ kana.

Judim baḍae ko khan,
Santalko do̠ ko ạdibạsi kana,
Judim oromko khan,
Oṅko do̠ ko ạdim jạti kana.

Judim baḍae ko khan,
Santal do̠ ko sona rupạ kana,
Judim orom ko khan,
Oṅko do̠ ko jiạṛ dare buṭạ kana.

Judim baḍae ko khan,
Santal do̠ ko hulạs pe̠re̠c̕ mo̠n kana,
Judim orom ko khan,
Oṅko do̠ ko dhạrti go̠ re̠n,
Hirlạ ho̠po̠n kana.

Judim baḍae ko khan,
Santal do̠ ko dayak̕ko kana,
Judim orom ko khan,
Oṅko do̠ ko sạriyak̕ ko kana.

Judim baḍae ko khan,
Santal do̠ ko ak̕ńjo̠mko kana,
Judim orom ko khan,
Oṅko do̠ ko jạruṛak̕re̠n jo̠bab kana.

Judim baḍae ko khan,
Santalko do̠ ko asa kana,
Judim orom ko khan,
Oṅko do̠ ko dumur rasa kana.

Judim baḍae ko khan,
Santal do̠ ko dare baha kana,
Judim orom ko khan,
Oṅko do̠ ko so̠ro̠s pạrsi po̠ha kana.

Judim baḍae ko khan,
Santalko do̠ ko suluk kana,
Judim oromko khan,
Aschuṭạuk̕ ko re̠nko muluk kana.

Judim baḍae ko khan,
Santal do̠ ko hạriạṛ casa kana,
Judim orom ko khan,
Oṅko do̠ ko baṅ chuṭạuk̕ asa kana.

Judim baḍae ko khan,
Santal do̠ ko dare nạ̃ṛĩ kana,
Judim orom ko khan,
Oṅko do̠ ko se̠rma sisir jạṛi kana.

 

Leave A Reply

Your email address will not be published.