Baṅladiso̠mre̠ Santal Hul Mahã Mano̠t Sãote Manao Hoyena

Rajshahi Ethnic Minority Cultural Academy Khon Hul Maha
0

Calaoen 30 june Santal hul mãhã manot kate manao hoyena. 164 serma laha Indian subcontinent noa noa hul se̠ṅge̠l pasnaolena. Eṅlish east india kompany sorkar ar onkoren ạsulakan Mahajankoak̕ ko̠clo̠n, saset, luṭpaṭ, sud jo̠jo̠m, jo̠bo̠r do̠kho̠l, re̠re̠c̕, gańjon, santao birudre noa maraṅ hul hoelena. Ar noa hulren Ạk̕yurko tãhẽlena pon dilgạriạ birbanṭa bo̠eha Sido Murmu, Kanhu Murmu, Cand Murmu, Bhaero Murmu. Nokoren misera Phulo̠ Murmu ar Jhano̠ Murmu hõ̠ he̠re̠l ho̠pon leka ak̕ ạpạṛiante bạiriko birudrekin lạṛhạilena. Noa hul lạṛhare 50 hajar kho̠n jạsti santal ho̠po̠nko mãyãm gohalena .E̠ke̠n Sido-Kạnhu ghãrõ̠ńj kho̠nge 7 ho̠ṛko mãyãm gohalena. Ar onko disạ uihạrkate goṭa Dhạrtire 30 june santal ho̠po̠nko do̠ SANTAL HUL MÃHÃko manao ạguieda. Jao serma leka noa serma hõ̠ Baṅladisạm reak̕ aema Nagrah ar ato disạmkore mạn manote Santal Hul Mãhã manao hoyena. Dhaka Division: Dhaka Maraṅ nagrah are 28 tạrik Santal Hul manao hoyena. E̠nte̠ 30 june Baṅladisạmre jãhãn vacation Bạnuk̕a. Ar Dhaka nagarah o̠lo̠k̕ paṛhao ar nukriakan Santal ho̠po̠nko do̠ sokol bar noa Hul Mãhãko manaokeda. Santal Students Union aso̠l ḍạṛ (SASU) do̠ Dhaka University campusre noa hul mãhãko manaokeda. Inạ chaḍa hõ̠ Uttar Baṅgo̠ Adibasi Forum hõ Hul Mãhãko manaokeda. Chaṭṭagram Division: Chaṭṭagram Divisionre pạhil dhao leka 28 tạrik Santali Hul Mãhã manao hoyena, noare 100 goṭe̠ngan Santal ghãrõ̠ńjko se̠le̠t̕lena. Noa Hul Mãhã manano gapalmaraore Khagrachori, Panchori kho̠n aema santalko se̠te̠rlena. Rajshhahi Divison: Rajshahi divison reak̕ aema jaegare mạn manotte Hul Mãhã manao hoyena. Rajshahi nagrahare. Rajshai Divisional Ethnic Minority Cultural Academy kho̠n Santal Hul Nãhã manao hoyena. Inạ chaḍa hõ Godagari upozila reak̕ Kakon haṭ, Pakri Tanore upozila renak̕ Tanorre Saran Foundation, Sãotal Jagoran Akhra ar Tanore Santal Chatro Saṅghaṭhạn hote̠te̠ Hul Mãhã manao hoelena, Tanore ar Badhair Unionre Ramdebpur atore Hul Mãhã manao hoyena. Ona chaḍa hõ̠ Chapainawabganj reak̕ Nachole, Noagoan reak̕ Niamotpur, Balator, Bogura jilạ Santal Hul Mãhã mano hoyena. Raṅgpur Divison: Raṅgpur Division reak̕ Dinajpur jilạ reak̕ Nawabgõ̠ńjre Nawabgańj Santal Federation hote̠te̠ Santal Hul Mãhã manao hoelena. Inạ chaḍa Birampur Upozila reak̕ Dhanjuri atore, Kaharol, Parbatipur, Khansama, Bocagõ̠ńj, Ghoraghat ar Rangpur nagrahre hõ mạn manotkate Santali Hul Mãhã manao hoelena.

Leave A Reply

Your email address will not be published.