AM DO BAHA

0

(1)̠ Bạpuṛic̕ Baha…!
Mõhẽ akan bhoṭok̕ akan
Am ńelte ńele dumur ko sotok̕ akan
Am do Baha…!
Melomecom landa kan.
(2) Rusikạ Baha…!
Saṛ akan sagen akan
Dhạrtipuri sohan akan
Am do Baha…!
Legec̕ legec̕em hilạu enec̕ kan.
(3) Husnạk̕ Baha…!
Mala reyem galaṅ akan
Bagan khonem halaṅ akan
Am do Baha…!
Jeṅgeť jeṅgeť em saj akan.
(4) Mãyãwic̕ Baha…!
Mạ̃ṛĩ rehõm doho akan
Duk rehõm goṛo akan
Am do Baha…!
Rokom rokom em roṅ akan.
(5) Manotiạ Baha…!
Boṅga ṭhen hõm samaṅ akan
Boṅga sãoem soman akan
Am do Baha…!
Gente getec̕ em panti akan.
(6) Dulạṛiạ Baha…!
Mone rehõm basa akan
Jingi rehõm asa akan
Am do Baha…!
Jupurjulim saṅgať akan.
(7) Nisạrạni Baha…!
Setak̕ sisir jạṛi ạsirbad
Cando sirjạu am dulạṛ sombad
Am do Baha…!
Asec̕ tasec̕ mońjem so kan.
(8) Sonotiạ Baha…!
Mạnmi jionem nãwã aroe
Sonotem saphaem poroe poroe
Am do Baha…!
Lilibici JION em rophae.

 

 

Leave A Reply

Your email address will not be published.