Santali ho̠ro̠p do̠ Santali lipi kana, Cedak̕ roman/latin do̠ baṅ ?

0

 

Phoṭo tearic̕ : Kurha baskey

Santali pạrsi pạhil do̠ Pahil Baṅla ho̠ro̠p te o̠l e̠hop̕ lena menakhan baṅla te Santali pạrsi renak̕ aṛaṅ pustao ar safa baṅ hijuk̕ kan tahẽna. Inạ tayo̠m 1845 serma re rev: J fillips Roman ho̠ro̠p jorao kate Santali pạrso o̠l renak̕ kurmutue e̠ho̠p̕ keda. 1867 serma re̠ Santali pạrsi o̠l lạgit̕ roman ho̠ro̠p re dicaratical (tuḍak̕) beohar e̠ho̠p̕ lena. Menkhan sojhe mojhe noa roman/latin ho̠ro̠p beohar iate Santali pạrsi renak̕ aema aṛaṅ gi baṅ hoyok̕ kan tahẽna. Noa babod aema din kukli se ridkhid (debate) tayo̠m Dr. C.R Lepsas aso̠l roman pạrsi são tuḍak̕ ar toyot̕ (dicratical) cinhạ beohar kate Santali aṛaṅ mõj te rakap̕ rena ko kurmutu leda. Ona aso̠l eṭketoṛẽ̠ do̠ rakap̕ ena Jiliń (Long) ar kaṭo (small) Vowel lạgit̕. Lahate roman ho̠ro̠p re ‘ও’ ‘অ ‘O’ ar ‘A’ renak̕ pharak baṅ bujhok̕ kan tahẽna. Asokate Dicratical cinhạ beohar kate noa renak̕ aṛaṅ do̠ pharak (difference) gi ńelok̕a.

Un jokhec̕ roman ho̠ro̠p sãothe ona eṭketõ̠ṛẽ̠ hoyok̕ kan tahẽna. Roman script ạḍi bhage te ( Check Consonant- hạṭińo̠k̕ ho̠ro̠p) aṭkaoala ho̠ro̠p beohar kate Santali aṛaṅ so̠dorok̕ kan tahẽna menkhan tạna tạni chaḍa hõ̠ tahẽlena. Roman ho̠ro̠p jiliń ar kaṭic aṛaṅ reak̕ pharak bae uduk̕ darek̕a kan tahẽna. Arhõ̠ adom behạṭińo̠k̕ (Voewl) ho̠ro̠p koak ucạran ạḍi jilń tahelena. Ar mit̕ṭen eṭketõ̠ṛẽ̠ tahẽlean noa renak̕ jahan ‘Glottal gạriac̕ (Agent) menak̕a se b

Menkhan nahak̕ Calcatta Literacy society hote̠te̠ noa sudrạo kate kadako. Sojhe IPA (International Phonetics Alphabet) sãote juri kate Santali ho̠ro̠p sudrao hoeakana. Onate santal do̠ nahak̕ noa roman do̠ bako menak̕a. Ona do̠ nito Santali ho̠ro̠p gi metak̕ kana.Menkahn roman ho̠ro̠p renak̕ umul tahẽ iate aema ho̠ṛ gi arhõ̠ noa do̠ roman ko metak̕ kana. Manotan P.O Bodding saheb pạhil santal dicratical mark (tuḍak̕ cinhạ) maela metak̕ kan tahẽna, menkhan ona ko hote tegi Santali aṛaṅ safa ar pustạo hijuk̕ kana. Noa ko tuḍak̕ cihnạ tegi Santali aṛaṅ Safate hõ̠ so̠do̠rok̕ kana. Ona babod Dr: R.M Macfile ec̕ meneda, “The roman script has in the senturies proved adaptable for the purpose of many varied languages; and it is it, with the addition of certain diacritical signs,which is now most generally used for Santali

Sudrạo ho̠ro̠p lạgit̕ lahate (ও – অ ) ‘O’ ar ‘A’ aṛaṅ lạgit̕ Beohar koak̕. Nahak̕ do̠ Jiliń aṛaṅ lạgit̕ ‘O̠’ cinhạ beoharok̕ kana, arhõ̠ kaṭic̕ aṛaṅ lạgit̕ Jeleka U lạgit̕ ‘U’ ar jiliń aṛaṅ lạgit̕ ‘Ū’ beoharok̕ kana, Noa lekan sanam aṛaṅ uduk̕a kana E, E̠, Ē, Ē̠ lekate. Menkhan Baṅla ar o̠l ciki te noṅka mõj aṛaṅ reakl̕ pharak do̠ baṅ uduok̕a.

GLOTTAL stop– lahate glottal aṛaṅ lạgit̕ hạṭińo̠k̕ ( Consonant) ho̠ro̠p beoharok̕ kan tahẽna. M̃enkhan noa sudhrạu kate onare tuḍak̕ cinhạ (Dicratical mark) beoharok̕ kana,Okate International Phoentic language Khạto maca te IPA (International Phonetic Alphabet- noa hote tegi jahan ho̠ro̠pak̕ aṛaṅ International lekate ko dondoṛcot̕ (fixed) kana). Ar noṅkate noa do̠ grammartical o̠kulạn (lack) doe purao dare kada. Ar noa iate noa ho̠ro̠p do̠ Bharot, baṅladiso̠m, Nepal, bhuṭan re jạsti beoharok̕ kana. Ar noa ren beoharic̕ hõ̠ goṭa dharti re jạsti gea ko.

Aema ho̠ṛ do̠ arhõ̠ noa ho̠ro̠p cetan dho̠ro̠m renak̕ do̠s ko ladeyda, Onko do̠ ko meneda Noa do̠ kathae roman ar isae koak̕ ho̠ro̠p kana Santali ho̠ro̠p do̠ baṅ kana. Abo bon ńel lekhae Bangali jạt koak̕ Baṅla pạrsi te Pạhil kho̠bo̠r kagojec̕ uḍuk̕ ledae Manuel tha asasumapa ńutuman mit̕ṭen okoe Portuges diso̠m ren naekae kanae arhõ̠ Bangali jạt lạgit pạhil Baṅla Dictioanry benao leda Bilạt (England) diso̠m ren mit̕. Okor onko do̠ bako meneda noa do̠ isae koak̕ tear kana cedak̕ bon beoharak̕ noa do̠. Onḍe khan santal do̠ cedak̕ bon menak̕a noa ho̠ro̠p do̠ santal koak̕ baṅ kana. Ona beohar kate akoak̕ pạri ạḍi ko kisạreda.

Santal pạrsi ren bairi ko arhõ̠ ko menak̕a noa do̠ roman jạt koak̕ ho̠ro̠p kana. Menkhan Roman jạt ko são noa ho̠ro̠p renak̕ sombond gi banuk̕a. Arhõ̠ aema ho̠ṛ ko meneda, noa ho̠ro̠p do̠ isae (Cristian) se baibelak̕ ho̠ro̠p kana. Sari katha noa gi baibel do̠ pạhil Aramaik ho̠rop o̠l lena. Tayo̠m te Baibelak̕ katha aema lekan jạt ṭhẹc̕ pasnao lạgit̕ aema jạt koak̕ pạrsi te noa o̠l torjumạ ( Translate) kate so̠do̠r ar pasnao hoe akana.

Ạḍi hạriar cinhạ do̠ oka diso̠m ar jaega Roman/latin ho̠ro̠p ko beoharok̕ kana  Ar thurạ kạṭic̕ hạriạr cinhạ roman/ latin ho̠ro̠l onako diso̠m se jaega  tahẽn juḍa juḍa ho̠ro̠p são menak̕a  ( latin script: wikipaedia)

Ar roman ho̠ro̠p do̠ dharti reak̕ mit̕ṭen Classical ho̠ro̠p kana. Ar goṭa dhạrti re 70% pạrsi roman ho̠ro̠p panja kate o̠lo̠k̕ kana.Science re okoe dho̠romec̕ sendraeak̕a uni do̠ tis bae laha dareak̕a. E̠nte̠ dhạri reak̕ jao gi jarur jinis Isai ho̠ṛ gi ko tear kada. Ar Goṭa dhạrti hõ̠ Globalization lekate calak̕ kana. Ar sanmko hudis kate Santali ho̠ro̠p (roman) beohar kate laha sec calao lagak̕bona. Ar pạrsi re do̠ dho̠ro̠m babon mesalak̕. Jahae jaha lekanak̕ dho̠ro̠m manao dareak̕a, menkhan sanamkoak̕ pạrsi do̠ santal ar o̠lo̠k̕ dhara do̠ Santali ho̠ro̠p hoyok̕ma.

 

 

Source:

1.সান্তালি (সাঁওতালি) ভাষার জন্য কোন বর্ণমালা ব্যবহার করবে বাংলাদেশের সান্তাল শিশুরা ? পর্ব -১,উন্মোচন ব্লগ ,সমর সরেন

2.Phoṭo tearic̕: Kurha basekey

3. Latin script – Wikipedia

https://en.wikipedia.org/wiki/Latin_script

http://medievalwriting.50megs.com/scripts/history2.htm

Leave A Reply

Your email address will not be published.