AM HÕ̠M KOMBṚOGEA

Barea haṛam buḍhikin tahẽ̠kana.Hẽ̠, haṛamaḱ ńutum do̠ Mạṅglu tahẽ̠kana.Buḍhit́te̠t́aḱ ńũtum do̠ teheń dhạbij bạń baḍae daṛeada. E̠nte̠t́ lạṭu ho̠ṛ se̠ kạṭić gidrạ hõ̠ Mạṅglu buḍhi geko ro̠ṛa ato oṛaḱ ar aḍe̠ pase̠ ato ṭola kore.
Khan oṛaḱ duạr ar dho̠n durib,mal-jal,hasa jumi,dare nạ̃ṛĩ,metaḱme jo̠to̠aḱtege pe̠re̠ć purun menaḱkinạ.Hẽ̠, e̠ke̠n do̠ gidạr- pidạrge bako tãhẽ̠kan tạkina.
Aḍe-pase̠rege hạṭiạ do̠ hoyoḱkan tahẽ̠kana.Metaḱme So̠mbar ar Sạkạlbar dinge. Ado̠, hạṭiạ pichạge jel dokin ạguigea. Daka utu isin baṛa kateḱ do̠ am ińkin lo kombṛoya ạ̃t apso̠r ńe̠l kateḱ ar mit́ nakha oṛaḱ ko̠narekin jo̠mke̠t́ge.
Din hilạḱ metaḱme hạṭiạ pichạge nukinaḱ noa kạituk do̠ tahẽ̠n tạkina.Mit́ din do̠ noṅkage bana ho̠ṛkin loanaḱa ar ńe̠lme haere nạsib peṛta ko̠pal ona oṛaḱ ko̠na ṭhe̠ngekin jo̠jo̠mkana okare do̠ ńũtge.Sentora do̠ ńũtre baṅ ńe̠ńe̠lte bạkin ńe̠llena.Jemo̠nge bại-bạite mẽt́kin do̠ marsalo̠ḱ ehoṕena ar cakaṕ-cakaṕ saḍekin ańjo̠mena ar kin ńe̠llena.
Buḍhite̠t́ do̠e men go̠t́keda, he̠nda ḍiṅgrạ am hõ̠m kombṛogea,haṛam hõ̠ye men go̠t́keda bakhać do̠ sạṇḍhin iń hõń kombṛogea.

(Sikhạuna:-Onateko mena goṭa dinren kombṛo mit́ din do̠m saboḱgea, cahe do̠ jãhã lekan kạmikange. Ado onate apnar ghãrõ̠ńjre, apnar aḍe-pasere ar jãhãrege alope kombṛoya).

Leave A Reply