Jo̠mi rạkhi jogao ar kiriń ạkhrińre aboak̕ dayik

0

Manwa jion re sompoti do̠ jạrura ar noa sompoti cetanre jo̠to̠ manwa koak̕ aidari do̠ jug cetan jug acaṛ-nacarok̕ kan tabona. Abobon ńẽl lekhan so̠mpo̠ti do̠ bar lekana. Mit do̠ hostantor joggo oka do̠ English te ko̠ metak̕ kana Moveable Property. Jemon mobile, laptop, motor gadi eman teak̕ metakme. Oka jinis do̠ mit ṭhai kho̠n ar mit̕ ṭhai khon se ar mit̕ rebon em hatao dareak̕ ar do̠sarak̕ do̠ hostantor ojoggo property (Immoveable property) jemo̠n : jo̠mi se khet barge. Noa bar lekan sompoti khon hostantor joggo (immoveable property) oka jomi se khet barge babot badae jo̠ń do̠ ạḍi ãt lạkita. Ona do̠ baṅ baḍae khạtir te aema ho̠ṛ ho̠po̠n do̠ jo̠mi jaega bo̠n at̕ horayeda. Ar noa reak̕ jahãjte aboak ghãrońj-somaj re rengec̕ hec̕ abon kana. Onate aboak̕ noa sompoti rakhi jogao ar jo̠mi kiriń ạkhrinic̕ damanak̕ bisoe ko̠ latar reń o̠l caṛhaoeda.
Jumi rạkhi jogaore aboak dayik:
1. Porcha : Porcha do̠ jumi reak̕ jo̠to̠ kho̠n maraṅ dolil kana. Noa do̠ ạn reak pạrsi lekate Record of (ROR) ko̠ metak̕a. Tin okte sorkar do̠ jumi jaega joriph ko̠ hoe occoe un oktere noa porcha rege khotian ńutum, mouja nutum, dag no̠mbo̠r do̠ o̠l caṛhaoak .Onate noa dolil rakhi jogao do ekalte jarur menaktabona. Noa do̠ district Commisonar (Revenue) then kho̠n bon ńam dareak̕. Ona lạgit̕ uni ṭhen ardas em hoyok̕ tabona.

2) khatin: abo diso̠m do̠ british amol kho̠n nit hạbic̕ 4 lekanak soṅ se joriph kami do̠ hoe purau akana. Onako do̠ cadastral servey (RS), state acquistation (SA) ar mucạt̕ ak do̠ ko̠ metak̕ kana city servey . Noako servey re aboak jumire malikana menak se ban ona ńẽl jut lagaoabona. Jodi noa record record se servey re baṅ o̠l rakap akan khan upozilla bhumi office land office ar baṅ khan DC office ( Revenue) ṭhen record jut se soṅsodohon lạgit̕ ardas em hoyok̕a.

3) khạrij : jumi kharij hõ̠ ạḍi ãt jarura cedak̕ je jumi jami kharij lekan abonak malikana hõ̠ e̠ho̠bo̠k̕ tabona. Jahae ṭhen jumi bon kiriń lekhan se aboren ar hõ̠ owaris koko tahen khan ar Jodi ona jumi bo̠n hạṭiń lenkhan jumi kharij do̠ bogeanak kana. Jumi khạrij tahen khan jhogra – larhai se eman teak̕ baṅ hoe godok̕a e̠nte̠ khạrij akan jumi re do̠ malikak̕ ńutum o̠l tahena.

4) khajna: jumi se o̠rak̕ ḍinḍạ reak̕ khajna do̠ bo̠cho̠r sorkar emae jarura. Barti kaite noa jumi reak̕ khajna do̠ union bhumi office ko metak̕ ondege em idie hoyok̕a. Jumi se dinda reak khajna reak rosid se recipt do̠ ạḍi damanak̕ kana. Cedak̕ je noa rosid hõ̠ abokoak malikanae sodoreda. 25 serma Khajna baṅ emlenkhan sorkar amak̕ jo̠mi nliạm re rakap̕ dareak̕ se amak̕ jomi Sertificate cetanre Case dareak̕.

5) Ńutum o̠l carhao: Jahae ho̠ṛ ge jumie kiriń se jãhãlekate jumiren hok se ạidạriyic̕ hoyok̕ re ona sompotti ac̕ ak̕ ńutum re ol carhao reak̕ mane do̠ kana jumi se sompoti cetanre mare do̠ kana jumi se so̠mpo̠ti cetanre mare malikak̕ ńutum bo̠dol kate nãwã maliak̕ ñutum o̠l carhao. Noa hõ̠ aboak hok se aidariye keṭej tabona.

Jumi kirin ạkhrińre aboak dayik :

Aema lekage sompotti se jumi jaega cetanre jo̠to̠ manwa ko ạidạri se odhikar ko̠ hamet dareak. Onka leka okoe ko̠do̠ so̠mpoti se jumi jaega kirin kate ar okoe ko̠do̠ akoak̕ bo̠s se owaris ar hisabte ar okoe ko̠do̠ akoak̕ dan ńam kate aidari se odhikar do̠ ko̠ hameṭeṭ̕ kana. Noa ko̠ modre jumi kiriń bisoe do̠ ạḍi muskilak̕ kana. Cedak̕ je begor badae badae se begor bujhạute jumibon kiriń akhrin lenkhan ạdi muskil dosare paraok hoyok̕ tabona . Okado aboak gharo̠ńj , so̠maj ar jion re adi maran muskil rebon paṛaok̕a. Ona iate jumi kirińre latar reak̕ bisoe ko̠ badae e̠kalte jarura.

1. Tin okte jumi ạkhrinic do̠ ac̕ak̕ jumi akhrin lạgit̕ sanae un okte pahilrege uni do̠ ạkhrinic̕ ho̠ṛak̕ jumi okare menaka ona apnar mẽt̕te se apnar ho̠ṛ hottete ńẽl ṭhikan lagaok̕a. Ar uni ạkhrinic̕ ho̠r cet lekate ona jumi se jaegaren mạlik kanae ona baḍae ar ṭhikạn lagaoak̕ . Ona tayom ona jumi do̠ baṅma dolil hõ̠ registry jarur kana baṅ khan ona reak̕ jahan dam do̠ baṅ tahena.

2.Ạkhriń hõ̠r tis kho̠n se ona jumire acak mạlikana bandhao akana ona badae lagit CS (Cadastral Survey) khotian, SA (State Acquistation) Khotian ar RS (Revisional Survey) Khotian ar judi onkan jahan mucạt̕ joriph reak̕ dolil ńẽl lạgit̕ okako metak̕ kan “porcha” ona aribandhi ar ńẽl lagaoka. E̠nte̠ aema okte re do̠ eṛe dolil benao kate ciṭạr (Bạric̕ ) ho̠ṛ ko̠ do̠ mońj ho̠ṛ ko ṭhok koa . jarur hoyok̕ khan noa bisoe saphae lagit settlement officer se sub register office ṭhen kiriń goṭa akan jumi babot badae hoyok̕a.

3.Akhrinc do̠ jo̠to̠ kagojan te sub registery office calao kate onakoe uduga. Jodi ńẽlok̕ khan uni ạkhrinc̕ ho̠ṛ do̠ jạrur kan joto kagoj ạurie uduk̕ cabai hạbic̕ do̠ taka paisa baṅ meṭao hatar hoyok̕a.

4. Porcha ar tax recipt kagoj menak̕ a se baṅ ar ona soṭhik jaega jumi reak̕ kana se baṅ ona ạdi mońj te ạribạndhi jarura. Ina chada dag nombor, khotian nombor selet etaka k̠o hõ̠ ńẽl ạribạndhi jạrura.
5. Okatak jaega jumi kiriń hoyok̕ kan ona jaega jumi jahan bank, sommitte, se jahae ho̠ṛ ṭhen bo̠ndho̠k menak̕ se cet̕ se sorkar se eṭak̕ jahan authority ona jumi ạkrinc̕ badha ko e̠m akanta se cet̕ ona hõ̠ ńẽl jạrura. Ona khtạtir te jạrur len khan to̠ho̠sil office, upozilla office ar bankhan DC office re jogajog kate saphate baḍae jạrurạ.

6. Jumi kiriń jokhen ạḍi disạ tahen jạrura e̠nte̠ ńẽl lagaok̕a ona kirinok̕ kan jumi do̠ okare se okoe ṭhen menak̕. E̠nte̠ gulmal se bạric̕ / ciṭar ho̠ṛ ṭhen kho̠n jumi kiriń do̠ eṛe ocok̕ reak̕ risk tahena. Power of attorney tahen khan ona hõ̠ mońj ten ńẽl jut jạrurạ
.
7. Adom oktere mit̕ ṭen jumi rege aema owarisko tahena. Ar ona khạtirte jumi kiriń lahare onkoak̕ jumi pharaj menak̕a se baṅ ar okoe kanako uni jumi ạkhrinren se mạlikaren owarisko ona baḍae jạrurạ. Cedak̕ je, tayom daram baṅ khan onko owarisko mamla (Case) dareak̕a.

8. jarur hoe len khan barea kho̠bo̠r kagojre (news paper) noa jaega jumi bisoe te jahaeak̕ dạbi menak̕ khan mit̕ ṭen somoe bhitrire jatec̕ ro̠ṛ ruạr ko̠ e̠m onkan biggopti (Notice) em hoyoka.

(  Torjoma: TABITHA SOMBAT Magazine re  chapa so̠do̠rakan  Advocate Probhat tuduak̕ onol kho̠nak̕  )

Leave A Reply