P.O.Bodding- SO̠RO̠S O̠NO̠LIẠ

Mit̕ten so̠ro̠s o̠no̠liạ doe pachnaoḱkana ,ac̕ tinạk̕e o̠lakat̕ ,ona ńẽlte do̠ bań ,bickom ac̕ak̕ o̠no̠lre cet̕e o̠lakada , ona ńelkatege̠ uni o̠no̠liạ do̠ so̠ro̠s siropa doe ńamet̕ kana. Santali o̠no̠l reak̕ itihasre̠ Mn. P.o Bodding ńutum do̠ jo̠to̠ kho̠n laharebo̠n dohoakat̕a.E̠ke̠n do̠ho̠ moto do̠ baṅ, bickom so̠na akhorte o̠l menak̕a. Santal jạt do̠ tinak̕ din jiwet̕ ko̠ tahena . P.O Bodding do̠ tis hõ̠ o̠ho̠ko hiṛińlea. E̠nte Santal ar Santali lạgit̕ P.O Boddingak̕ dan do̠ asambheṛgetaea. So̠ro̠s onoliạko modre , P.O Bodding do̠ mit̕ṭenbo̠n ńumekanre hõ̠ enhõ̠ uni do̠ eṭak̕ ko soṅge o̠ho̠bon juri daṛelea. E̠nte uniak̕ o̠lak̕ do̠ eṭak̕ ko̠ khon judạgea ar uni o̠kako bako o̠lakada. Onate P.O Bodding do̠ tehec̕ hạbic̕ so̠ro̠sgea ar darakan dinre hõ̠ so̠ro̠sge̠ye̠ tãhena. Mn. J Troisi do̠ ac̕ak̕ o̠lak̕re̠ye̠ menet̕ kana , Bilạt diso̠mren o̠no̠l modre ,santal ar Santali lạgit do̠ P.O Boddingge̠ jo̠to̠ kho̠n bạ̃rti doe o̠lakada.Uni do̠ jotote̠ 25 go̠ṭen o̠no̠l menak̕aea . Turui go̠ṭen do̠ puthi , mit́ṭen ḍikso̠nạri , barea grammer puthi , pea monograph ar gelpe̠ go̠ṭen Articles. P.O Bodding do̠ jo̠to̠ kho̠n lahare baebel reak̕ banar hạṭiń santalite̠ye̠ to̠rjo̠makeda. Noa hõ̠ uniak̕ maraṅ kami kangea , e̠nte un maraṅ puthi to̠rjo̠mae do̠ alga katha do̠ baṅ kana.

Santali Baebel hõ̠ mit̕ṭen Santali o̠no̠l kangea. Inạ tayo̠m uni do̠ L.O Skrefsurd o̠lak̕ ho̠ṛkoren Mare hapramko reak̕ katha Iṅgraji Pạrsite̠ye̠ to̠rjo̠makeda . Noate̠ ḍhartiren ạḍi aema jạt do̠ santalkoak̕ ạri-cali, dho̠ro̠m-ko̠ro̠m, emantaek̕ ko̠ baḍae daṛeada. Ina tayom uni do̠ ḍikso̠nạri benoare̠ mone lagao keda. Ḍikso̠nari reak̕ pạhil haṭiń do̠ 1932, Dosar hạtiń 1934 salre , tesar ar ponak̕ hạtiń do̠ 1935 salre, ar mõ̠ṛẽ̠ak̕ do̠ 1936 salre osolo (Norway ) kho̠n chapa so̠do̠rena. Hẽ̠ ado noa mõ̠ṛẽ̠aḱ Santali ḍiksonạri banao lagit̕te Bodding sahib do̠ santalko so̠ṅge̠ ad̠i gạhirte̠ye̠ mesalena ar ḍikso̠nạri reak̕ sapap̕ko doe jo̠gaṛlet̕ tahẽkana. Ḍikso̠nari reaḱ onako sapap̕ jogaṛ khatirte uni do̠ santalkoaḱ jion reak̕ ạribandhileda are khondronod leda. Khondrondkate ac̕ak anatckar do̠ ạḍi aema o̠no̠l talate̠ye̠ so̠do̠rakawt̕bona.

“Mongolian Race Marks among the Santals ” –Noa o̠no̠lre uni doe menakada baṅma santal gidrạkoaḱ hoṛmore uni do̠ mit̕ lekan lil ro̠ṅ menak̕a mente̠ye̠ ạribạnidhiakada. Ona lil ro̠ṅ do̠ Mugho̠lkoren gidrạ-koak̕ hõ̠ menaḱa. Onate̠ uni doe ohomaet̕kana, paseć Mughalko soṅge Santalikoaḱ do̠ jahãtis sombond tahẽ boteć kana.

Bodding sahib do̠ Buru ar Boṅga kaha reaḱ hõ̠ ḍhere khondrond akada . Noa babot uni do̠ ac̕ak o̠lak̕ “ The meaning of the word Buru and Boṅga ” re̠ phaelaote̠ye̠ o̠l so̠do̠r akada .

Inạkate 1925 salre Bodding sahib do̠ ‘ The santal medicine and coonected Folklore ‘ o̠laḱe̠ so̠do̠r keda. Noa o̠lak̕ pe̠ hạṭiń re̠ menaḱa. Pahil hạṭiń do̠ kana santal koaḱ ruạ-haso . Noa re̠ uni doe o̠l akada , Santal ko do̠ cet̕ lekate ruạ hasoko pachnaoet́kana. Jhạrni ar mantarko reak̕ hõ̠ jo̠to̠ khod do̠ noa hạṭińre o̠lakana . Do̠sar hạṭiń do̠ kana , Santalkoaḱ ran . Oka ruạ lạgit̕ do̠ oka ran , ona do̠ cet̕te benaok̕ kana ar ran do̠ cet̕ lekate beohar ho̠yo̠k̕ , onako̠ Jotoe o̠l so̠do̠r akada. Inạkate tesar hạṭińre do̠ menaḱa , Santalko cet̕ lekako tahẽnkana , ona babotre . Noa o̠no̠l re̠ uni do̠ santalkoak̕ jionre din hilok̕ ko jo̠m-ńuiet̕kan aṛak̕-sakam jo̠ ,dare , nạ̃ṛi , hako , jel emanteak̕ reak̕ ńutum , bhed bahaṅgao selet̕e o̠l dohoakada.

‘ Witchchcraft among the Santals ’ o̠lak̕re uni do̠ Ḍan babot ạḍi aema katha , one okako do̠ santalkoko pạṭiạuk̕kan , onae o̠l dohoakada .

“ A chapter of santal folklore ” o̠lak̕re uni do̠ sagram murmur ṭhen khone ańjomlet ge̠l go̠ṭen kạhine̠ye̠ o̠l dohoakada . Noako̠ kạhnire do̠ menak̕a , Santalko cet̕ lekate boṅgako soṅgeko baplak̕kan tahẽkana.

“A note on the wild people of the Santals ” o̠lak̕re̠ uni do̠ santalkoak̕ ạḍi aema kạhniye khondrondakada ”

 

“Santal Folktalles ” Noa puthi do̠ pe̠ ha̠ṭinreye so̠do̠rakda .Uni doe menkada , Santak jạt hõ̠ bek̕nao doko̠ baḍaegea ; kusi –rạska reak̕ jion biṭau hõ̠ santal do̠ko baḍaegea. Onako̠ do eken nijak̕ sereń menak̕takoa , leg-acar menak̕takoa , gam-kạhni menaḱtakoa . Noako̠ pe̠ hạṭińre uni do̠ 93 goṭen kạhniye o̠l dohaokada. Onako do̠ biseskate muhulpạhṛi ar bengạria toṭha khone tumạllet̕ tahẽkana .

“Sanatal Riddles” Noa o̠lak̕re uni do̠ 242 goṭen kudume o̠lak̕ada .Onako do̠ cet̕ lekae ańjomkat̕ onkage̠ye̠ o̠lakda. Tobe adom adomak̕ babot do̠ phaelaote bhed bhaṅgaokate̠ye̠ o̠lakada jemo̠n pạrhaoḱkoko bujhạu dareaḱ.

“Notes on Santals” o̠laḱre̠ uni do̠ santalkoaḱ bapla, soamj ạri-cali, sendra, eneć-sereń, hapramkoaḱ katha, dho̠ro̠m biswạs, pạrsi, cas-bas, lạṛhai sapaṕ, rog-bighin, kusi raṣkạḱ reaḱ sapaṕ emanteaḱ phaelaoteye̠ o̠lakada. “On the different kinds of salutations used by the Santals” o̠lakre uni do̠ Santakkoak̕ do̠bo̠k̕-jo̠har reak̕ jo̠to̠ leka dhara babotec̕ o̠lakada.

“On Taboos and customs. Connected therewith among the Santals” Noa o̠laḱre uni do̠ somaj reak̕ ạḍi lekan niomko babote o̠lakada, je̠le̠ka, bạhu-jãwãe do̠ akoak̕ ńutum se̠ bokot bạhuak̕ ńutum do̠ bako ńuma . Noṅakge̠ arhõ̠ ạḍi lekan niaomko reaḱ kathae o̠l dohoakada, niạ onolre̠.

“Ancient stone Implements in Santal Parganas” Noa o̠lakre uni doe o̠lakada je̠ santal parganaren ho̠ṛko do̠ dhiri do̠ cet̕ lekakate ar tinạḱ lekakateko beoharet̕ tahẽkana. Inạ lekanak̕ kathage uni do̠ arhõ̠ ac̕ak̕ o̠lak̕ “ Shoulder Headed And other Forms of Stone Implements in the Santal Parganas” re̠ye̠ o̠lakada.

“Some Remarks on The Position Of Women Among The Santals” o̠lak̕re , uni do̠ Santal somajre maejiu koak̕ ṭhão do̠ cet̕ leka kana , ona babote o̠lakada.

“Kharwar Movement among the Santals” o̠lak̕re̠ , uni do̠ 1871 sal reaḱ dho̠ro̠m pạtiạu selet́ lạroana reaḱ kathae o̠lakada.

“A santal Sect” o̠laḱre̠ , uni do̠ kherwar jạt khon santalko̠ cet́ lekako̠ hạṭińena, ona reaḱ phaelaote̠ye̠ o̠lakada.

“Materials for a Santali Grammer” Noa puthire uni do̠ Santali grammer reak̕ jo̠to̠ sapap̕e o̠l dohoakada.Arhõ̠ “A Santali Grammer For Beginners” Puthuire uni do̠ cecet́ ko̠ lạgit̕ ạḍi khaṭo ar algate bujhạuḱ ‘ Grammer’ o̠lakada.

E̠nḍekhan ńẽlkeda , Bodding sahib do̠ ac̕ak̕ o̠lak̕ do̠ eken mit̕ṭen bisoe cetanre do̠ bae o̠l akada bicko̠m Santalkoaḱ jion reak̕ jo̠to̠ nakha ar jo̠to̠ak̕ lạgit̕e o̠lakada. Santalkoaḱ pạrsi legcar ,dho̠ro̠m, din hilo̠ḱ jion reak̕ mimit̕ pahṭa, sanamak̕ ạribạndhikate purạpuri khondrondkate̠ye̠ o̠lakda. Etaḱ o̠no̠liạko̠ modre pasce̕ noṅka do̠ ạḍi ko̠mge menak̕ koa , one okoe do̠ manwa jion reaḱ jo̠to̠ nakhako̠ ạri-bạndhi daṛeaḱ ar khondrond lạgit̕ ko̠ dil dareak̕ ar ona cetanre akoak̕ anạtkạr se̠ guṭ kathako so̠do̠r dareak̕. Menkhan Bodding saheb do̠ ona muskil kạmi hõ̠ ac̕ motote̠ye̠ purạukada, bicko̠m uniak̕ khondrond jinis ńẽlkate tayo̠m daramren o̠no̠liạko̠ do̠ ạḍi utạr sapap̕ko ńam akawana , uniak̕ o̠lak̕ kho̠n. Onate Bodding saheb do̠ santalkoren so̠ro̠s o̠no̠liạge̠ye̠ ńumok̕a. Bodding saheb noṅkatege abo lạgit̕e kạmi akada, one ona iạte uni do̠ okoe soṅge̠ baṅ , dighdạ menak̕a .Uniak̕ oka ko̠ o̠no̠l babot nitbo̠n ańjomket̕, onako do̠ e̠ken okako chapa so̠do̠rakan, Onako reak̕ hisạbge emena. Arhõ̠ o̠lako do̠ menaḱgetaea , one onako do̠ baṅ chapa so̠do̠rakan ar Manuscript rupre̠̠ge̠ nit hạbic̕ menak̕. Onako do̠ niạ okte̠ ‘ Micro-Film’ rebo̠n ńẽl dareak̕a. Teheń abo do̠ o̠no̠liạkoak̕ kathabo̠n galmaraokanre , dela bodding saheb do̠ jo̠to̠ kho̠n coṭrebon dohoyea ar uni o̠lak̕ jo̠to̠ do̠ jogaṛ saṭaokate khondrond reak̕ bon kurmuṭuia.

Tumạl –Rames Chandra kisku o̠no̠l kho̠nak̕ (1991)

Leave A Reply