BAṄLADISẠM KHO̠N PẠHIL SANTALI VIDEO SEREŃ ALBUM UCHẠNE̠NA

 

 

Santali te film,ar audio sereń album ko noa lahare onḍoṅ baṛaoakan re̠hõ video sereń reak̕ album do̠ niạbar ge pạhil dhao uchạnena. “Dulạṛ Mẽt̕ Dak̕ ” -ńutumte noa do̠ uchạnakana. Calaoen 7 ḍise̠mbo̠r 2018 santal student’s union (sasu)-bangladesh banadhaoak̕  25 serma purạu khạtir rupạ jo̠po̠ṛao helmel (silver jubilee) re sasu ren sanam rạsiạko talare nowa album ko uchạnke̠da .Noa uchạn reak̕ okte̠re̠ so̠ho̠r se̠ṭe̠rko tahẽkana sasu ren mare ạyuric̕ manotan Piṭar S Ṭuḍu, Subodh M Baske , rajsahi gov. kolej ren mahasoe manotan Samson Hasdak̕ , santal nayo̠k Nishir Soren,  arhõ emanko . Noa album cacalaoic̕ le̠kate̠i tahẽkana Francis Kisku (Prince), sereń gaenaha do̠  Jibon Hembrom, model ko menak̕koa Uzzol Hembrom , Monisha Mardi , Shrabon S Soren , Cornelius Hembrom , Lima Marandi , Madhobi Murmu, Francis Kisku ar Jibon Hembrom. Mesin laṛao go̠po̠ṛo̠ re̠ko tahẽkana (Technical support and editing )- Bigh Studio, raṅgamaṭi. Pasnao so̠do̠r re menaya SANTALI MULTIMEDIA of BANGLADESH.

Noa uchạn oktere sereń gaenaha Jibo̠n Hembro̠m’e̠ me̠nke̠da, “Santali sereń reak̕ video album benao reak̕ kukmũ do̠ ạḍi kạṭic̕ kho̠n ge tahẽkantińạ. Teheń noa album le  oṇḍoṅ daṛeat̕ te sạrige mọnre ạḍi rạskạń ạikạueda. Noa sereń judi santalko kusiak̕ khan tayo̠m daramre arhõ album benao reak̕ ạḍi as menak̕ tińạ”.

Noa album reak̕ sereń ko do̠ ńetar youtube chanel rehõ ko uchạnakada. Ńel tabonpe noa link kho̠n…https://www.youtube.com/channel/UCHvIoSxuZw7tSsBRoVZpP0w

Leave A Reply