LENḌET́ KHOT- MIT́ NÃWÃ DHARA

LENḌET́ KHOT
0

Teheń gapa khetre̠ ḍher upjạu hoe ocoe lạgit aema lekan khot benao ar beoharoḱ kana, jeleka yuria,D.A.P,Poṭas ar emanteaḱ .Noa khot teko̠ omonoḱ kan bisan tijuko̠ lạgit́ tiju gujuḱ ran hõ̠ ńamok kana.Noate̠ upjạu ma ḍheroḱ kange̠ ,menkhan noa hotete̠ khet do̠ ṭonḍan ar komjoroḱ kana.

LENḌET KHOT

Teheń gapa noṅkan khot khondrond akana,one oka tedo khet reaḱ sebel hasae jotonet́ são sãot̃e bae barić ocoḱ kana.Nokõe noage̠ lenḍet khot ko metawaka.Lenḍet do̠ casa ho̠ṛren gate̠ ko̠ metawakoa.Mit́ṭen bises lekanko̠ leṇdẹt hote̠te̠ gurić,sea pạtuạlaḱ ,daḱ reaḱ dal emanteaḱ jiwiet jinis jomkate̠ okako̠ bahreteyet́ onage̠ “LENḌEt KHOT” se̠ Worming compost ko̠ metaḱ kana.Noare̠ lenḍet do̠ kạṭić-kạṭić karboteaḱ jinis jạruoḱ lekare̠ naeṭrojań,Isphur ar poṭas chaḍa ,kạṭić asuloḱaḱ jinis enjaem (enzyme) ar ḍher oḱcoaḱ harmos eman ńamoḱ kana,one oka do̠ phosolko lagit jạruranaḱ ho̠yo̠ḱ kan.Noa do̠ sanam lekmanaḱ dare̠ jopatińko lạgit́ purun utạraḱ mit́ soman jomaḱ kana.Onako̠ bises lekan lenḍet okoe do̠ lenḍet khot tear lạgit́ko̠ beoharet́ko̠,onako do engrejitte acinia fotida metawakoa.

LENḌET KHOT –O̠T REAḰ DAṚEAḰ RAN (TONIC)

1)Lenḍet khot do̠ aḍi haharage kom somoere̠ khot teraoḱ reaḱ mit́ baegianḱ dhara kana.4-5 k.g karbon teak giḍi jinis do̠ eṅka 1 k.g lenḍet́ko̠ 24 ghonṭa bhitri rege  khotreko̠ pherao goṭkaḱ kana.

2)Noa do̠ mit́ṭen pura-puri soman ,poraianaḱ ar sirjonteaḱ jomaḱ kana.

3)Noa do̠ rog ar tiju khon baṅcaoḱ lagit́ dare̠ jopatińko̠ reaḱ doḱ daram daṛeye ḍher ocoeda.Ina são sãote hasa tearoḱ ar nirpon supu dhrạu ho̠yo̠ḱ chaḍa noare̠ daḱ-saṕ doḱho darey ḍher ocoet́ kana.Noa do hasa reaḱ P.H sudhrạet́ kanae.

4)Noa khot beoharlen khan o̠t re̠ rasaenik khot beohar reaḱ jarur bạnuḱa ar tiju goć ran reaḱ khoroc rehõ ḍher komaḱa.Lenḍet khot do̠ abo̠ beṛhaeteaḱ daḱ-hoe o̠t mạiliaḱ khon rukiạet kana.

5)Rasaenik khot  tulạnamare lenḍet khot beoharte  jao serma o̠t reaḱ upjao daṛe ạksul durib ḍheroḱ kante̠ kuṛai lekare̠ casa ho̠ṛko̠ do̠ aema utạrko̠ pọtaet́ kana.

LENḌET KHOT TEAR REAḰ DHAR

1)Lenḍet khot beḱnao ṭhạ̃i re̠ siń candoaḱ rãt ar jhomor daḱ khon bańcao lạgit́ mãt́ ar busuṕ reaḱ sadharon sạṛim ho̠yo̠ḱ do̠ jaṛurgea.Sạṛim reaḱ jeleń-ona sar do̠ seaḱaḱ jinisko reaḱ matra re tehaḍoḱkana .

2)Khot benao reaḱ gaḍlaḱ se̠ baska reaḱ osar do̠ 4 phiṭ khon bạṛti bań ho̠yo̠ḱ jạṛura.Gaḍlạḱ reaḱ jeleń do̠ jạṛuroḱ lekate̠ niṭ darekoka.

3)lenḍet khot benao lạgit́ jạruroḱ saman re̠ 25 goṭen lenḍet mimit́ 4 wạrg phuṭ dorte̠ ho̠yo̠ḱ jạrura.

4)Gurić soṅgete̠ rohor se hạriạr  jinisko̠ hõ̠ kaṭić kaṭić kaṭra kuṭra kate̠ milạu darekoḱa.Gurić ar berel jinis do̠ soman-soman (50 : 50) hoe daṛeaḱ; menkhan bhage̠ kuṛại ńam lagit́3 hĩs berel jinis milau kate beohar jạrur kana.

5)lenḍet khot teḱyar kạmi maṛanre̠ sạṛim latar reaḱ o̠t mit́ sãokate daḱ chiṭkạuaḱ ho̠yo̠ḱa .Inakate̠  sea oḱcoe dohoe jạṛura.

6)Dosar dhaore̠ 2-3 phut dạriạ bai-baite seaḱaḱ jinis jeleka nạ̣riar coklaḱ,mãt́ reaḱ kạ̣ṭić –mạṭić kaṭra kuṭra ãk se̠ kaera sakam ,kat gunḍa se̠ peteć ,heṛe̠ ,are man reaḱ aṭet tear baṛaḱa.Barea aṭet́kin talare̠ eńka mit́ phuṭ tala jaega ho̠yo̠ḱa jạṛura,jemon kami baṛaere̠ alga ho̠yo̠ḱ.

7)Tesar  dhao re̠ ,adha se pura seawakan gurić se̠ go̠bo̠r ges khon onḍon akan ạuṛiaḱ  jinis eṅka 2-3 inć dạriạ rada aṭet́ aká cetanre aṭed ho̠yo̠ḱa ,jemon seaḱ jokhen ḍher lolo alo omonoḱ.Judi seaḱaḱ jinis re̠ oda komaolen khan .mimit́ rada re̠ daḱ chiṭkauaḱ jạruṛ kana.Noa latar rada re̠ lenḍet́ ko̠ ạḍi jạsti lolo khone bańcaot́koa.Lenḍet do noa arada inạ̣ obostha re̠ jomaḱ ruprey beohar chaḍa tahẽ hataṛoḱ tahen ṭhạ̃i hõko̠ benaojonkana.

8)Ponaḱ dhaore dosar rada cetan 25 goṭen lendḍet mimit́ wạrg phut reaḱ dorte̠ dohoko ho̠yo̠ḱa.Lenḍet do̠ sadharon rupre̠ tatle̠ dohoko̠ khon thora ghạrić bad lenḍet do̠ dosaraḱ rada bhitri teko boloḱa.Cedaḱ ente noa khulạre siń candoaḱ rãt ar ạḍitet́ ạḍi lolo re tahen baṅko kusiḱa.

9)Mõ̠ṛẽ̠ dhaore̠ adha-adha se peaḱ pon hĩs (3/4)din reaḱ mare gurić arm it́ pon hĩs (1/4)kạṭić mạṭć get́ kuṭrạwakan se̠ rohor akan berel katwar mesal ṭhikaḱ tesar lagit́ 6 khon 8 ińc dạria aṭed jạruṛa.

10)Turuiaḱ dhaore do tesarḱ rada cetanre̠ dakare̠ oṛaḱ reaḱ katwarko̠ reaḱ mit́ nanha ar mucat́ uṭar rada aṭed jạruṛ kana.

11)Eaeaḱ dhaore̠ redo ses uṭaraḱ rada cetanre̠ 4 phut ar pura gaḍlaḱ soman jeleńte̠ khulạwakan juṭ reak borate dapal esed ho̠yo̠ḱa.

12)Bora cetan redo lagatar etaṅ etaṅ daḱ chiṭkạu idiaḱ jạruṛ kana.daḱ chiṭ́kạu idiaḱ do̠ ritu  rehõ tehadọḱ kana.setoń din redo bar dhao ar rabaṅ din redo mit́ dhaoge̠ jạruṛa.

13)Aṭet́ Akanaḱ aṛe-aṛete̠ ponon nakha ṭaṭka  katwar ar hạriạṛ berel jopatińko reaḱ kạṭić mạṭić kaṭra kate dapalkaḱ jạrura, jemon bahre seć aloko onḍon dareaḱ ar lenḍet́ rukhiạteko tahen.

14)Pon khon turui hapta bhitrire lenḍet khot tearoḱ kana.tear khot reaḱ roṅ de hende ar ojon re ekal rawalgea.Inạ tayom pe̠ se̠ pon hapta re̠ lenḍet khot do̠ tear idiḱ tege̠ tahen kana.

15)Tinre̠ lenḍet khot do̠ tear uṭaroḱ kana,tobe din laha bora cetanre daḱ chiṭkau do̠ bond jạruṛa.eken ponaḱ rada reaḱ khot re̠ pheraoḱ kana.Pạhilaḱ rada do̠ tis hõ̠ baṅ baṛij jạrura .Lenḍet́ khot do̠ cetan tạrire̠ tear akan ńamok kana.

16)Nit do̠ tear akan lenḍet khot do cetan tạri khon oḍok kate umul re hawet́ rohor ocoe tayom borare bhorao kate enka mit́ bochor lagit́ doho jogao daṛeaḱa.

17)Lenḍet khot oḍok tayom arhõ̠ one ehoṕ seć lai akan dharako hotete̠ kom somoere̠ lagatar khot bon tear daṛeaḱ.

LENḌET KHOT BEOHAR REAḰ DHAR

18.Pạhil bochor do̠ mit́ ekạr jaega re̠ 20 kwintạl lenḍet reaḱ dorte̠ rohoe lahare̠ erkate ṭaṭka hasare̠ si milạu jạrur kana.Rohoe tayom hõ̠ lenḍet khot lagao dareaḱa ,noa do̠ un jokhen lagao ho̠yo̠ḱa tinre̠ phosol reaṅ jopatińko re̠ barea se̠ pea sakam sagen onḍoṅ kana.

19)Dosar ar tesar bochor redo 15 kwintạl lenḍet khot mimit́ ekạr reaḱ dorte beoharme.

20)Judi gamlare̠ noam beohar khan ,tobe gamla reaḱ onasar ar jopatiń reaḱ umạr lekate̠ 100 gram hạbić lagaome̠

21)Lenḍet khot lagao tayom gamla se khot do rohor pạṭaulaḱ ko̠ se̠ mạila katwarte dapal lekhan khetre̠ noa reaḱ mońj bonodol ho̠o̠ḱ kana .

Lenḍet khot reaḱ beohar okte rasaenik khot ar ran eman baṅ lagao jạruṛa.

Leave A Reply