EMRIP Reak Helmel

0

Calaoen julai 9-13, 2018 Jạtiạri Ṭhãona (Jatisongho) reaḱ Expert Mechanism on the Rights of Indigenous Peoples (EMRIP) cetanre 11 ṭhão bạisi purạuena Suijarlenḍ disạm reaḱ Jenebha nagrahare. Niạ dhao mo̠ṛe mãhã bạisire `study and advice on free, prior and informed consent, `United Nations Declaration on the Rights of Indigenous Peoples: good practices and lesson learned’ salaḱ nanan parkan bisoe cetanre khạndriń galmarao são sãote Penel Galmara, Saiḍ akhṛa, go̠ṭa dhạrti adibạsik kokas reaḱ bạisi hoena. Baṅladisom disom khon jạtiạri manwa ạidạri komisonren gharana Banchita Chakma ar Kapaeeng Foundation ren gharana ar jạtiạri Hajong banadhaoren ṭhaona sasaṕṛaoić Sohel Chandra Hajong. Sohel Hajong do̠ Jạtiạri Ṭhãona reaḱ bholantari phanḍ khon go̠ṛo̠te noa oṅsoṅrei selet́ lena. Jạtiạri Ṭhãonaren gharana disom khon do̠ noa helmelre aima ạdibạsi ar disom peṛa ko seledoḱa ar akoak ́ ro̠po̠ṛ katha ko jạhira. Menkhan Baṅladisom sorkar khon cele hõ̠ noa bạisire bako selet́ lena.

Bạisi reaḱ pạhil oṅsoṅre aćaḱ johar kathare manwa ạidạri kaunsilren presidenṭ, disom dut Bhojislabh Sak e menkeda, calaoen 10 serma khon nanan parkan kạmi purạu len rehõ̠ nit́ hõ aemagan e̠ṭkẽ̠ṭo̠ṛẽ menaḱa. Aema disom nit́ hõ̠ jạtiạri ṭhãon jạhir katha-2007 (United Nations Deleclaration) napaete bako pańjaet iạte ạdibạsi ko ke̠ṛẽ̠ć do̠ṛẽćre menaḱ koa. Uni do̠ ạdibạsi ar onkoren gate peṛa cetan sanam lekan hiskạwanaḱ kạmi kạsni ar okta reaḱe tergeń ruạṛ keda ona sãote nonkanak bebạrić kạmi hora sikup reaḱ nehore jạhir keda. Jạtiạri Ṭhãonare deputy high commissoner (manwa ạidạri) mis Keṭi Gilmore men keda, jãhãn disom ạdibạsi koaḱ bhạlại kạmi hatao lahare ạdibạsi são galmarao cetan ḍher kaete solha hatao jạruṛa. Oka jumi jaga cetanre sedae khon ạdibạsi koaḱ jopṛao menaḱ, oka khet baṛge cetanre re atma reaḱ helmel ar jiṅgidhara benao rakapakan, ona jumi khon ạdibạsi ko tishõ ạidạri bako aṛaḱ giḍi daṛeaḱa. Noa do̠ ekalte baṅ suṭhika je, okatạḱ kạmi kạsni ạdibạsi koaḱ jiṇgire bhạlại bai ạgu daṛeaḱ ona bakhra e̠ke̠n Hẽ se Baṅ katha mente ko so̠do̠ra. Ona khạtirte, jãhãn kạmi hora hatao lahare ạdibạsi ko são gapalmarao, dupuṛup ar maṛaṅre onkoaḱ aṅgoć hatao jạruṛa- noa targhar pańjage lek kana.

Noa helmelre Sohel Hajong, Baṅladisomre ạdibạsi koaḱ mạnmi halot́ ar ạdibạsi koaḱ phaolao ar maṛaṅre aṅgoć hatao reaḱ nebetar halcale so̠do̠r keda. Ona são sãote ja uḍić solha salaḱ barea kathae (statement) jạhir keda. Ona chaḍa AIPP ar IWGIA khon jomoḱte hohoakan julại 9 mãhã reaḱ Side event re sãoten gapalmaraoić lekae selet́ lena. Noa bạsi do̠ mukhiạ lekate aṅgoć keda EMRIP ren gharana ar mare mukhiạ Mr. Albert Rurami ar eṭaḱ gapalmaraoić leka katha ko ro̠ṛ keda Mijoramren Mr. Lalrem Ruata, Mianmarren Ms Thin U Mon ar Philipainren Ms Joes Goḍi. Ar akhṛa reaḱ mucạt́ kathae jạhir keda Jạtiạri Ṭhãonaren ạdibạsi bakhra kho̠bo̠r pasnaoić Ms. Bhikotia Korpaj Tauli.

Chubi: ipnewsbd.com

Leave A Reply

Your email address will not be published.